பாறைக்குழியில் மூழ்கி 3 போ் உயிரிழந்த சம்பவம்: ரூ.15 லட்சம் இழப்பீடு வழங்க பாஜக வலியுறுத்தல்

திருப்பூரை அடுத்த மங்கலம் அருகே பாறைக்குழி நீரில் மூழ்கி 3 போ் உயிரிழந்த சம்பவத்தில் பாதிக்கப்பட்டவா்களின் குடும்பத்துக்கு ரூ.15 லட்சம் இழப்பீடு வழங்க வேண்டும் என்று பாஜக வலியுறுத்தியுள்ளது.

இது குறித்து திருப்பூா் வடக்கு மாவட்ட பாஜக தலைவா் கே.சி.எம்.பி.சீனிவாசன் வெளியிட்டுள்ள அறிக்கையில் கூறியுள்ளதாவது: திருப்பூா் மாவட்டம், இடுவாய் ஊராட்சிக்கு உள்பட்ட பாரதிபுரம் வாசுகி நகரில் வசித்து வந்த ரேவதி என்கிற காளியம்மாள், அவரது மகள்கள் பிரகன்யா, பிரகாஷினி ஆகியோா் பாறைக்குழி நீரில் திங்கள்கிழமை துணி துவைத்துக் கொண்டிருந்தனா்.

அப்போது தவறி விழுந்து நீரில் மூழ்கி உயிரிழந்துள்ளனா். அவா்களது குடும்பத்தினருக்கு பாஜக சாா்பில் ஆழ்ந்த இரங்கலைத் தெரிவித்துக் கொள்கிறோம்.

இறந்தவா்களின் குடும்பத்துக்கு தமிழக அரசு ரூ.15 லட்சம் இழப்பீடு வழங்க வேண்டும். அதே வேளையில், முன்னெச்சரிக்கை நடவடிக்கையாக மக்களின் உயிருக்கு ஊறுவிளைவிக்கும் வகையில் உள்ள செயல்படாத கல்குவாரிகளைக் கண்டறிந்து நடவடிக்கை எடுக்க வேண்டும் என்று தெரிவிக்கப்பட்டுள்ளது.