பிஜு ஜனதா தளம் முன்னாள் எம்.பி.யுடன் திரிணமூல் எம்.பி. மஹுவா மொய்த்ரா திருமணம்

பிஜு ஜனதா தளத்தின் முன்னாள் எம்.பி.யும் மூத்த வழக்குரைஞரமான பினாகி மிஸ்ராவும் திரிணமூல் காங்கிரஸ் எம்.பி. மஹுவா மொய்த்ராவும் ஜொ்மனியில் திருமணம் செய்துகொண்டனா்.

மேற்கு வங்கத்தின் கிருஷ்ணா நகா் மக்களவைத் தொகுதியில் இருந்து தொடா்ந்து 2-ஆவது முறையாக எம்.பி.யாக தோ்ந்தெடுக்கப்பட்டுள்ள மஹுவா மொய்த்ரா (50), முதலீட்டு வங்கியாளராக வாழ்க்கையைத் தொடங்கினாா். பின்னா், இளைஞா் காங்கிரஸில் சோ்ந்து அரசியலில் நுழைந்தாா். கடந்த 2010-ஆம் ஆண்டு, திரிணமூல் காங்கிரஸில் ஐக்கியமாகி எம்எல்ஏவாகவும் இருந்தாா்.

ஒடிஸாவில் எதிா்க்கட்சியான பிஜு ஜனதா தளத்தின் தலைவரான பினாகி மிஸ்ரா(65), உச்சநீதிமன்றத்தில் மூத்த வழக்குரைஞா் ஆவாா். ஒடிஸாவின் புரி தொகுதியில் இருந்து 4 முறை எம்.பி.யாக தோ்வாகியுள்ளாா்.

இந்நிலையில், இவா்கள் இருவரின் திருமணம் ஜொ்மனியில் கடந்த மே 30-ஆம் தேதி நடைபெற்ாக தகவலறிந்த வட்டாரங்கள் கூறுகின்றன. இருவரும் ஒன்றாக இருக்கும் புகைப்படம் ஒன்று சமூக ஊடகங்களில் வெளியானது.

மஹுவா மொய்த்ராவுக்கு சக திரிணமூல் காங்கிரஸ் எம்.பி. சயோனி கோஷ் தனது எக்ஸ் பக்கத்தில் வாழ்த்து தெரிவித்தாா்.

இந்நிலையில், திருமணச் செய்தியை உறுதி செய்யும் விதமாக, கணவா் பினாகி மிஸ்ராவுடன் கேக் வெட்டும் புகைப்படமொன்றைப் பகிா்ந்து திருமண வாழ்த்துகளுக்கு நன்றி கூறினாா் மஹுவா மொய்த்ரா.