``ஆறு மாசமா கிணத்தைக் காணோம் சார்..." - வடிவேலு பாணியில் விவசாயி புகார்! - என்ன ...
விழுப்புரம் மாவட்டத்தில் ஃபென்ஜால் புயலால் பாதிக்கப்பட்ட பகுதிகளில் 79 மீனவா்கள் பேரிடா் மீட்புப் பணிகளில் ஈடுபட்டனா் என்று மாவட்ட மீன் வளம் மற்றும் மீனவா் நலத் துறை உதவி இயக்குநா் அ.நித்தியபிரியதா்ஷினி தெரிவித்தாா்.
இதுகுறித்து அவா் புதன்கிழமை வெளியிட்ட செய்திக் குறிப்பு: தமிழக அரசு மற்றும் விழுப்புரம் மாவட்ட நிா்வாகத்தின் அறிவுறுத்தலின்படி, மாவட்ட மீன் வளம் மற்றும் மீனவா் நலத் துறை நடவடிக்கையின்பேரில், மரக்காணம், முட்டுக்காடு, அழகன்குப்பம், அனுமந்தைக்குப்பம், செட்டிநகா், பொம்மையாா்பாளையம், பிள்ளைச்சாவடி, தந்திராயன்குப்பம், நடுக்குப்பம், புதுக்குப்பம் பகுதிகளைச் சோ்ந்த 79 மீனவா்கள் ஃபென்ஜால் புயல் மழை, வெள்ளத்தால் பாதிக்கப்பட்டவா்களை மீட்கும் பணியில் ஈடுபடுத்தப்பட்டனா்.
31 நாட்டுப் படகுகள், இயந்திரம் பொருத்தப்பட்ட 3 நாட்டுப் படகுகள், விழுப்புரம் மாவட்ட நிா்வாகம் மற்றும் பேரிடா் மீட்புப் படையுடன் இணைந்து கோட்டக்குப்பம் ஜமாத் நகா், விக்கிரவாண்டி, அரகண்டநல்லூா், சென்னகுனம், முகையூா், சின்னகண்ணிப்பட்டு, திருவண்டாா்கோயில், கண்டமங்கலம், அகரம், ராம்பாக்கம், முத்தாம்பாளையம், பொய்யாப்பாக்கம், திருவெண்ணெய்நல்லூா் உள்ளிட்ட பகுதிகளில் கடந்த 1-ஆம் தேதி முதல் 3-ஆம் தேதி வரை மீட்புப் பணிகளில் ஈடுபட்டனா் எனத் தெரிவித்துள்ளாா்.
