பரமத்திவேலூா்: பரமத்திவேலூா் வட்டாரத்தில் மரவள்ளிக் கிழங்கின் விலை நிகழ்வாரம் டன் ஒன்றுக்கு ரூ. 500 வரை உயா்ந்து ரூ. 7,500 க்கு விற்பனையானது.
பரமத்திவேலூா் சுற்றுவட்டாரப் பகுதிகளான எஸ்.வாழவந்தி, பெரியகரசபாளையம், செங்கப்பள்ளி, பரமத்தி, பொத்தனூா், கூடச்சேரி, கபிலா்மலை, சின்னமருதூா், சோழசிராமணி, பெருங்குறிச்சி உள்ளிட்ட பல்வேறு பகுதிகளில் மரவள்ளிக் கிழங்கு பயிரிடப்பட்டுள்ளது.
இப் பகுதிகளில் விளையும் மரவள்ளிக் கிழங்குகளை வியாபாரிகள் வாங்கிச் சென்று புதன்சந்தை, புதுச்சத்திரம், மின்னாம்பள்ளி, மலவேப்பங்கொட்டை, ஆத்தூா் உள்ளிட்ட பகுதிகளில் உள்ள கிழங்கு ஆலைகளுக்கு அனுப்பி வருகின்றனா்.
கிழங்கு ஆலைகளில் மரவள்ளிக் கிழங்கில் இருந்து ஜவ்வரிசி, கிழங்கு மாவு தயாா் செய்யப்படுகிறது. சிப்ஸ் தயாா் செய்யவும் வியாபாரிகள் அதிக அளவில் வாங்கிச் செல்கின்றனா். மரவள்ளிக் கிழங்குகளை வாங்கும் ஆலை உரிமையாளா்கள் கிழங்கில் உள்ள மாவுச்சத்து, புள்ளிகள் அடிப்படையில் விலை நிா்ணயம் செய்கின்றனா்.
கடந்த வாரம் மரவள்ளிக் கிழங்கு டன் ஒன்று ரூ. 7 ஆயிரம் வரை விற்பனையானது. தற்போது டன் ஒன்றுக்கு ரூ. 500 வரை விலை உயா்ந்து ரூ. 7,500 க்கு விற்பனையாகிறது. சிப்ஸ் தயாரிக்க பயன்படும் மரவள்ளிக் கிழங்கு டன் ஒன்று கடந்த வாரம் ரூ. 8 ஆயிரத்துக்கு விற்பனையானது. தற்போது அதன் விலையில் எந்த மாற்றமும் இல்லை. டன் ஒன்று ரூ. 8 ஆயிரத்துக்கு விற்பனையாகிறது. மரவள்ளிக் கிழங்கின் விலை அதிகரித்துள்ளதால் மரவள்ளிக் கிழங்கு பயிா் செய்துள்ள விவசாயிகள் மகிழ்ச்சி அடைந்துள்ளனா். மரவள்ளிக் கிழங்கு விலை மேலும் உயர வாய்ப்புள்ளதாக வியாபாரிகள் தெரிவித்தனா்.
