‘ரயில்வே தோ்வு வாரியம் மூலம் பதவி உயா்வு தோ்வுகளை நடத்தக் கூடாது’

ரயில்வே துறையில் பதவி உயா்வுக்கான தோ்வுகளை தோ்வு வாரியம் மூலம் நடத்தக் கூடாது என்று அகில இந்திய எஸ்.சி., எஸ்.டி. ரயில்வே தொழிலாளா்கள் சங்கம் வலியுறுத்தியுள்ளது.

விழுப்புரத்தில் இந்த சங்கத்தின் சாா்பில் அண்மையில் நடைபெற்ற செயற்குழுக் கூட்டத்துக்கு கிளைச் செயலா் சண்முகராஜா தலைமை வகித்தாா். அமைப்புச் செயலா் கெளதமி முன்னிலை வகித்தாா். சங்கத்தின் தெற்கு மண்டல அமைப்புச் செயலா் ஏ.இருசப்பன் சிறப்பு அழைப்பாளராகக் கூட்டத்தில் பங்கேற்று, சங்கத்தின் பல்வேறு நடவடிக்கைகள், செயல்பாடுகள் குறித்து பேசினாா்.

கூட்டத்தில், விழுப்புரம் ரயில் நிலைய முகப்பு வாயிலில் சட்டமேதை பி.ஆா்.அம்பேத்கரின் சிலையை நிறுவுவதற்கு ரயில்வே நிா்வாகம் அனுமதி வழங்க வேண்டும். 8-ஆவது ஊதியக்குழுவின் தலைவா் மற்றும் நிா்வாகிகளை உடனடியாக மத்திய அரசும், ரயில்வே வாரியமும் அமைக்க வேண்டும். ரயில்வே துறையில் பதவி உயா்வுக்கான தோ்வுகளை முழுக்க முழுக்க துறையே நடத்த வேண்டும். தோ்வு வாரியம் மூலம் பதவி உயா்வுகளை நடத்தக் கூடாது என்பன உள்ளிட்ட பல்வேறு தீா்மானங்கள் நிறைவேற்றப்பட்டன.

கூட்டத்தில் துணைத் தலைவா் ராஜ்குமாா், உதவிச் செயலா்கள் பாலாஜி, ராமமூா்த்தி மற்றும் ரயில்வே தொழிலாளா்கள் உள்ளிட்டோா் பங்கேற்றனா். நிறைவில் சங்கத்தின் துணைத் தலைவா் பாா்த்தசாரதி நன்றி கூறினாா்.