ரூ.72 லட்சம் பண மோசடி: ஒருவா் கைது

விழுப்புரம் மாவட்டத்தில் ரூ.72 லட்சம் மோசடி செய்த நபரை போலீஸாா் சனிக்கிழமை கைது செய்தனா்.

மேல்மலையனூா் வட்டத்துக்குள்பட்ட கோட்டப்பூண்டியைச் சோ்ந்தவா் எழிலரசன். இவரிடம் விழுப்புரம், கல்லூரி நகரைச் சோ்ந்த தமிழ்ச்செல்வன் என்பவா் அறிமுகமாகியுள்ளாா்.

அப்போது, ஒரு நிதி நிறுவனத்தில் ஒரு லட்சம் ரூபாய் முதலீடு செய்தால், அதிக வட்டி எனக் கூறினாராம்.

இதை நம்பிய அவா், தமிழ்ச்செல்வனின் வங்கிக் கணக்கில் பல்வேறு தவணைகளில் ரூ.4.20 லட்சத்தை செலுத்தினாராம்.

பின்னா், எழிலரசன் தனக்குத் தெரிந்த 14 பேரிடம் விவரத்தைக் கூறி ரூ.18.20 லட்சத்தை பெற்றுக் கொண்டு, தமிழ்ச்செல்வனின் வங்கிக் கணக்கில் செலுத்தினாராம்.

அதன்படி, கொடம்பாடி முருகையன் ரூ.24 லட்சமும், விழுப்புரம் சிறுமருதூா் பிரபாகரன் ரூ.11 லட்சமும் , குத்தலம்பட்டு சாஸ்தா ரூ.7 லட்சமும், திருவண்ணாமலை மாவட்டம், மங்களத்தைச் சோ்ந்த சக்திவேல் ரூ.12 லட்சமும் தமிழ்ச்செல்வனின் வங்கிக் கணக்கில் செலுத்தினராம்.

மொத்தமாக, எழிலரசன் உள்ளிட்ட அனைவரிடமும் ரூ.72 லட்சத்தை தமிழ்ச்செல்வன் வசூலித்தாராம்.

ஆனால், கூறியபடி வட்டித் தொகையை தமிழ்ச்செல்வன் தரவில்லையாம்.

இதுகுறித்து, எழிலரசன் அளித்த புகாரின் பேரில், தமிழ்ச்செல்வனை மாவட்ட குற்றப் பிரிவு போலீஸாா் கைது செய்தனா்.