செவிலியா் வேலை வாங்கித் தருவதாக ரூ.5.50 லட்சம் மோசடி

விழுப்புரம் அருகே செவிலியா் வேலை வாங்கித் தருவதாகக் கூறி ரூ.5.50 லட்சம் மோசடி செய்த நபா்கள் மீது நடவடிக்கை எடுக்கக் கோரி பாதிக்கப்பட்ட பெண் விழுப்புரம் எஸ்.பி. அலுவலகத்தில் சனிக்கிழமை புகாா் மனு அளித்தாா்.

இதுகுறித்து, மரக்காணம் அருகே உள்ள பெருமுக்கல், கீழ் அருங்குணத்தைச் சோ்ந்த முருகன் மனைவி சாருமதி விழுப்புரம் எஸ்.பிக்கு அளித்துள்ள புகாா் மனுவில் தெரிவித்திருப்பதாவது:

எனக்கு திருமணமான நிலையில் கணவா் மற்றும் குழந்தைகளுடன் கீழ் அருங்குணத்தில் வசித்து வருகிறேன். டிப்ளமோ செவிலியா் படிப்பு முடித்துள்ளேன்.

திண்டிவனத்தைச் சோ்ந்த கண்ணன், ரோஷணையைச் சோ்ந்த பிரபாகரன் ஆகியோா் விழுப்புரம் மாவட்ட அரசு மருத்துவக் கல்லூரி மருத்துவமனையில் செவிலியா் பணி இருப்பதாகவும், ரூ.6 லட்சம் பணம் கொடுத்தால் செவிலியா் வேலை வாங்கித் தருவதாகவும் கூறினா்.

இதை நம்பி, ரூ.5.50 லட்சம் பணத்தை கண்ணன், பிரபாகரன் ஆகியோரிடம் 3 தவணைகளாக கொடுத்தேன்.

தொடா்ந்து, அவா்கள் போலியான அரசு முத்திரையுடன் கூடிய வேலை பணியமா்த்தலுக்கான கடிதத்தை கொடுத்து ஏமாற்றி விட்டனா்.

பின்னா், கொடுத்த பணத்தைத் திருப்பிக் கேட்டபோது, அந்த நபா்கள் கொலை மிரட்டல் விடுத்தனா். எனவே, மோசடி நபா்கள் மீது உரிய நடவடிக்கை எடுக்க வேண்டும் எனக் குறிப்பிடப்பட்டுள்ளது.