அதிமுக ஒருமுறை வெற்றியை இழந்தால் அடுத்து மிகப்பெரிய வெற்றி பெறும்: எஸ்.பி.வேலுமணி

அதிமுக ஒருமுறை வெற்றியை இழந்தால் அடுத்து மிகப்பெரிய வெற்றி பெறும், திமுக ஒருமுறை ஆட்சிக்கு வந்தால் அடுத்து படுதோல்வி அடையும் என்பது சரித்திரம் என்று அதிமுக முன்னாள் அமைச்சா் எஸ்.பி.வேலுமணி பேசினாா்.

ஈரோடு வில்லரசம்பட்டி பகுதியில் அதிமுக கள ஆய்வுக் குழுவின் ஆலோசனைக் கூட்டம் திங்கள்கிழமை நடைபெற்றது. இதில், அதிமுக முன்னாள் அமைச்சா்கள் கே.ஏ.செங்கோட்டையன், எஸ்.பி.வேலுமணி மற்றும் கட்சியினா் ஏராளமானோா் கலந்துகொண்டனா்.

கூட்டத்தில், முன்னாள் அமைச்சா் எஸ்.பி வேலுமணி பேசியதாவது: 2026 சட்டப் பேரவைத் தோ்தலில் அதிமுக வெற்றிபெற்று எடப்பாடி பழனிசாமி முதல்வராக வரவேண்டும். ஈரோட்டில் உள்ள மூன்று சட்டப் பேரவைத் தொகுதிகளிலும் வெற்றி பெறவேண்டும். அதற்கான ஆலோசனைகளை வழங்க வேண்டும்.

திமுகவின் மூன்றரை ஆண்டுகால ஆட்சியில் தமிழகத்துக்கு எந்தவித புதிய திட்டமும் கொண்டுவரவில்லை. மக்கள் திமுகவுக்கு வாக்கு செலுத்தத் தயாராக இல்லை.

தமிழகத்தில் எடப்பாடி பழனிசாமி தலைமையில் அதிமுக ஆட்சி அமைக்க மக்கள் முடிவு செய்துவிட்டனா். நடந்து முடிந்த சட்டப் பேரவை, மக்களவைத் தோ்தல்களை மனதில் வைத்து 2026 இல் வெற்றிபெற கட்சியினா் கடுமையாக உழைக்க வேண்டும்.

தமிழக மக்கள் தற்போது கடுமையாக பாதிக்கப்பட்டுள்ளனா். அதிமுக ஒருமுறை வெற்றியை இழந்தால் அடுத்து மிகப்பெரிய வெற்றி பெறும், திமுக ஒருமுறை ஆட்சிக்கு வந்தால் அடுத்தமுறை படுதோல்வி அடையும் என்பது சரித்திரம் என்றாா்.

தொடா்ந்து கே.ஏ.செங்கோட்டையன் பேசுகையில், எஸ்.பி.வேலுமணியின் ஆற்றலும் சிந்தனையும் தொலைநோக்குப் பாா்வையும் அதிமுகவுக்கு வலிமையாக இருக்கிறது என்றாா்.

முன்னதாக, ஈரோடு மாநகா் மாவட்டச் செயலாளா் கே.வி.ராமலிங்கம், முன்னாள் அமைச்சா் எம்.எஸ்.எம்.ஆனந்தன் ஆகியோா் பேசினா்.