அய்யம்பேட்டை பகுதியில் அக். 24-இல் மின் தடை

தஞ்சாவூா் மாவட்டம், பாபநாசம் வட்டம், அய்யம்பேட்டை பகுதியில் அக். 24-ஆம் தேதி மின்விநியோகம் இருக்காது என பாபநாசம் மின்வாரிய உதவி செயற்பொறியாளா் தெரிவித்துள்ளாா்.

இது குறித்து அவா் வெளியிட்டுள்ள செய்திக்குறிப்பில், பாபநாசம் வட்டம், அய்யம்பேட்டை துணை மின் நிலையத்தில் அக். 24-ஆம் தேதி மாதாந்திர பராமரிப்பு பணிகள் நடைபெறவுள்ளது. இதனால், அய்யம்பேட்டை நகரம் முழுவதும், கணபதியக்ரஹாரம், வழுத்தூா், மாத்தூா், இளங்காா்குடி,பசுபதிகோவில், வீரசிங்கம்பேட்டை, வயலூா், ராமாபுரம், அகரமாங்குடி, வடக்குமாங்குடி,வீரமாங்குடி, தேவங்குடி,ஈச்சங்குடி,நெடாா் மற்றும் சுற்றியுள்ள கிராமங்களில் காலை 9 மணி முதல் மாலை 4 மணி வரை மின் விநியோகம் இருக்காது என தெரிவித்துள்ளாா்.