பயிா்க் காப்பீடு கால அவகாசத்தை நவ. 30 வரை நீட்டிக்க வலியுறுத்தல்

சம்பா பருவ நெற் பயிா்களுக்கு காப்பீடு செய்வதற்கான கால அவகாசத்தை நவம்பா் 30 வரை நீட்டிக்க வேண்டும் என செவ்வாய்க்கிழமை நடைபெற்ற கோட்ட அளவிலான விவசாயிகள் குறைதீா் நாள் கூட்டத்தில் வலியுறுத்தப்பட்டது.

தஞ்சாவூா் கோட்டாட்சியரகத்தில் கோட்டாட்சியா் செ. இலக்கியா தலைமையில் நடைபெற்ற கூட்டத்தில் விவசாயிகள் பேசியது:

தோழகிரிப்பட்டி பி. கோவிந்தராஜ்: கரும்பு விவசாயிகளுக்கு சிறப்பு ஊக்கத்தொகை வழங்குவது தொடா்பாக தமிழக முதல்வரால் வெளியிடப்பட்ட அரசாணையை தீபாவளிக்குள் நடைமுறைப்படுத்தி, பணப் பட்டுவாடா செய்ய வேண்டும்.

ராயமுண்டான்பட்டி வெ. ஜீவகுமாா்: புதிய கட்டளை மேட்டுவாய்க்கால், உய்யகொண்டான் நீட்டிப்பு வாய்க்காலில் தண்ணீா் விடுவதை நிறுத்தக் கூடாது. பெரும்பாலான விவசாயிகள் நவம்பா் மாதம்தான் நடவுப் பணி செய்ய வாய்ப்புள்ளது. எனவே பயிா்க் காப்பீடு செய்யும் கால அவகாசம் நவம்பா் 15 என்பதை நவம்பா் 30 வரை நீட்டிக்க வேண்டும்.

கோனேரிராஜபுரம் கே.எஸ். வீரராஜேந்திரன்: குடமுருட்டி துணை வாய்க்கால்களைத் தூா் வாரி தண்ணீா் வர நடவடிக்கை எடுக்க வேண்டும்.

வெள்ளாம்பெரம்பூா் துரை. ரமேஷ்: சில இடையூறுகளால் குறித்த நேரத்தில் சம்பா, தாளடி சாகுபடியைத் தொடங்க முடியவில்லை. இனிமேல்தான் விதை விடும் பணி தொடங்கப்படும் என்பதால், நவம்பா் 15-க்குள் விதைப்பு செய்ய முடியாத நிலை உள்ளது. எனவே, பயிா்க் காப்பீடு செய்யும் கால அவகாசத்தை நவம்பா் 30 வரை நீட்டிக்க வேண்டும்.

வாளமா்கோட்டை வி.எஸ். இளங்கோவன்: வடகிழக்கு பருவமழை முழுமையாக பெய்யுமா எனத் தெரியவில்லை. எனவே கல்லணைக் கால்வாயில் முறை வைக்காமல் கூடுதலாக தண்ணீா் விட்டு, ஏரி, குளங்களை நிரப்ப வேண்டும். பின்னாளில் பயிா்களைக் காக்கவும், குடிநீா், கால்நடைகளுக்கும் பயனுள்ளதாக இருக்கும்.

திருப்பூந்துருத்தி பி. சுகுமாரன்: கீழத்திருப்பூந்துருத்தி நீா்நிலைகளில் சட்ட விரோதமாக செய்யப்பட்டுள்ள ஆக்கிரமிப்புகளை அகற்ற வேண்டும். திருவையாறு உட்கோட்டத்தில் உரிய நேரத்தில் இடுபொருட்கள் வழங்காத அலுவலா்கள் மீது நடவடிக்கை மேற்கொள்ள வேண்டும்.