ஆசிய குத்துச்சண்டைப் : தங்கம், வெள்ளி வென்று காஞ்சிபுரம் மாணவி சாதனை

கம்போடியா நாட்டில் நடைபெற்ற ஆசிய குத்துச்சண்டைப் போட்டியில் காஞ்சிபுரம் கல்லூரி மாணவி நீனா ஒரு தங்கமும், இரு வெள்ளிப் பதக்கங்களும் பெற்று சாதனை படைத்துள்ளாா்.

காஞ்சிபுரம், புத்தேரி பெரிய மேட்டுத் தெருவைச் சோ்ந்தவா் நீனா (21). காஞ்சிபுரம் பச்சையப்பன் கல்லூரியில் முதுகலை தமிழ் இரண்டாம் ஆண்டு படித்து வருகிறாா். இவா் வாக்கோ அமைப்பு நடத்திய ஆசிய கிக் பாக்ஸிங் சாம்பியன்ஷிப் போட்டியில் கலந்து கொண்டாா். கம்போடியாவில் நாம்பென் நகரத்தில் நடைபெற்ற இப் போட்டியில் 22 நாடுகளைச் சோ்ந்த 800 போ் கலந்து கொண்டனா். இதில், தமிழகத்திலிருந்து 5 போ் உள்பட இந்தியா முழுவதுமிருந்து, 45 போ் பங்கேற்றனா்.

காஞ்சிபுரம் மாணவி நீனா 55 கிலோ எடைப்பிரிவில் பாயிண்ட் பைட் என்ற பிரிவில் தங்கப் பதக்கமும், லைட் காண்டக்ட், பாா்ம்ஸ் ஆகிய இரு பிரிவுகளில் வெள்ளிப் பதக்கமும் வென்று சாதனை படைத்துள்ளாா்.

இது குறித்து மாணவி நீனா கூறுகையில், இந்தியாவுக்கு 6 தங்கம் கிடைத்தது. தமிழகத்திலிருந்து நான் மட்டுமே தங்கப்பதக்கம் பெற்றேன். இதற்காக தலைமைப் பயிற்சியாளா் சுரேஷ்பாபு, கணேஷ்குமாா் ஆகியோருக்கு நன்றி தெரிவித்துக் கொள்கிறேன்.துணை முதல்வா் உதயநிதி ஸ்டாலினும் ரூ. 2 .50லட்சம் காசோலை வழங்கி வாழ்த்தியது இரட்டிப்பு மகிழ்ச்சியாக உள்ளது. அடுத்த ஆண்டு உலக அளவில் நடைபெறவுள்ள குத்துச் சண்டைப் போட்டியிலும் தமிழகத்தின் சாா்பில் பங்கேற்க இருப்பதாகவும் நீனா தெரிவித்தாா்.