உதகையில் பரவலாக மழை

உதகை மற்றும் அதன் சுற்று வட்டாரப் பகுதிகளில் ஞாயிற்றுக்கிழமை பரவலாக மழை பெய்தது.

நீலகிரி மாவட்டத்தில் கடந்த சில நாள்களாக குன்னூா், கோத்தகிரி  மற்றும் அதனைச் சுற்றியுள்ள பகுதிகளில் அவ்வப்போது  சாரல் மழை மற்றும் மிதமான மழை பெய்து வந்தது. இந்நிலையில், உதகை மற்றும் சுற்றுப் பகுதிகளில் ஞாயிற்றுக்கிழை பரவலாக மழை பெய்தது.

உதகை அரசு தாவரவியல் பூங்கா, படகு இல்லம், தொட்டபெட்டா சிகரம் உள்ளிட்ட சுற்றுலாத் தலங்களில் சுற்றுலாப் பயணிகளின் கூட்டம் அதிகரித்துக் காணப்பட்ட நிலையில் இந்த திடீா் மழையால் மிகவும் குளிா்ந்த காலநிலை நிலவியது. இதனை சுற்றுலாப் பயணிகள் ரசித்தனா்.