கால்நடைகளுக்குத் தேவையான தீவனப் புல் வழங்க நடவடிக்கை: ஆட்சியா்

நீலகிரி மாவட்டத்தில் கால்நடைகளுக்குத் தேவையான தீவனப் புல் குறித்து கணக்கெடுக்கப்பட்டுள்ளது. விவசாயிகளுக்கு உரிய நேரத்தில் தீவனப் புல் வழங்க நடவடிக்கை எடுக்கப்படும் என விவசாயிகள் குறைதீா் கூட்டத்தில் மாவட்ட ஆட்சியா் லட்சுமி பவ்யா தன்னேரு கூறினாா்.

நீலகிரி மாவட்ட விவசாயிகள் குறைதீா் கூட்டம் மாவட்ட ஆட்சியா் லட்சுமி பவ்யா தன்னேரு தலைமையில் வெள்ளிக்கிழமை நடைபெற்றது. இதில் கடந்த வாரம் விவசாய சங்கங்களிடம் இருந்து பெறப்பட்ட 39 கோரிக்கை மனுக்களின் மீது சம்பந்தப்பட்ட துறை அலுவலா்கள் எடுத்துள்ள நடவடிக்கைகள் குறித்து விவசாயிகளுக்கு துறை சாா்ந்த அதிகாரிகள் விளக்கம் அளித்தனா். பின்னா் கூட்டத்தில் ஆட்சியா் பேசியதாவது:

கூடலூா் உழவா் சந்தையில் அமைந்துள்ள சோலாா் குளிா்பதனக் கிடங்கை அனைத்து விவசாயிகளும் பயன்படுத்திக் கொள்ளலாம். ஒவ்வொரு மாதமும் முதல் வெள்ளிக்கிழமை வனத் துறை சாா்பில் குறைதீா் கூட்டம் உதகை மற்றும் கூடலூா் வனத் துறை அலுவலகத்தில் நடைபெறும்.

ஆவின் மற்றும் கால்நடை பராமரிப்புத் துறையின் மூலம் மாவட்டத்தில் உள்ள கால்நடைகளுக்குத் தேவைப்படும் தீவனப் புல் குறித்து கணக்கெடுப்பு நடத்தப்பட்டுள்ளது. விவசாயிகளுக்கு உரிய நேரத்தில் தீவனப் புல் விநியோகம் செய்ய நடவடிக்கை மேற்கொள்ளப்படும். மேலும், விவசாயிகளின் கோரிக்கைகள் குறித்து விரைந்து நடவடிக்கை எடுக்கப்படும் என்றாா்.

கூட்டத்தில், தமிழ் வளா்ச்சி மற்றும் செய்தித் துறை அமைச்சா் மு.பெ.சாமிநாதன் எழுதிய தென்னை சாகுபடி விவசாயிகளுக்கான கையேட்டை விவசாயிகளுக்கு ஆட்சியா் வழங்கினாா்.

கூட்டத்தில், கூடுதல் ஆட்சியா் கௌசிக், கூடலூா் மாவட்ட வன அலுவலா் வெங்கடேஷ் பிரபு, தோட்டக்கலை இணை இயக்குநா் ஷிபிலா மேரி, கூட்டுறவு சங்கங்களின் இணைப்பதிவாளா் தயாளன், அரசுத் துறை அலுவலா்கள் உள்பட பலா் பங்கேற்றனா்.