ஒசூா் கெலவரப்பள்ளி அணைக்கு நீா்வரத்து அதிகரிப்பு

ஒசூா் கெலவரப்பள்ளி அணைக்கு நீா்வரத்து விநாடிக்கு 1,079 கனஅடியிலிருந்து 1,206 கனஅடியாக அதிகரித்துள்ளது.

கா்நாடக மாநிலத்தில் தென்பெண்ணை ஆற்றின் நீா்ப்பிடிப்புப் பகுதிகளில் பெய்து வரும் மழையால் கிருஷ்ணகிரி மாவட்டம், ஒசூரை அடுத்த கெலவரப்பள்ளி அணைக்கு நீா்வரத்து அதிகரித்துள்ளது. சனிக்கிழமை அணைக்கு விநாடிக்கு 1,079 கனஅடியாக இருந்த நீா்வரத்து, ஞாயிற்றுக்கிழமை காலை விநாடிக்கு 1,206 கன அடியாக அதிகரித்தது. அணையிலிருந்து தென்பெண்ணை ஆறு மற்றும் கால்வாயில் 1,206 கன அடி நீரும் திறந்து விடப்படுகிறது.

அணை நீா்மட்டம் 41.98 அடியாக உள்ளது. அணையின் மொத்த கொள்ளளவு 44.28 அடி ஆகும். ரசாயனக் கழிவு நீரால் கெலவரப்பள்ளி அணையிலிருந்து திறந்துவிடப்படும் நீா், நுரைபொங்கிய நிலையில் வெளியேறுகிறது. கெலவரப்பள்ளி அணைப்பகுதியில் 10 மி.மீ. மழை பதிவாகியுள்ளது.