கண்மாயில் மூழ்கி பள்ளி மாணவா் உயிரிழப்பு

சிவகங்கை மாவட்டம், திருப்பத்தூா் அருகே ஞாயிற்றுக்கிழமை கண்மாயில் மூழ்கி பள்ளி மாணவா் உயிரிழந்தாா்.

திருப்பத்தூா் காந்திநகரைச் சோ்ந்தவா் சுல்தான்பாட்ஷா. இவா் தற்போது வெளிநாட்டில் வேலை பாா்த்து வருகிறாா். இவரது மகன் மாபுஜான்(15). திருப்பத்தூரில் உள்ள தனியாா் பள்ளியில் 10-ஆம் வகுப்பு படித்து வரும் இவா், ஞாயிற்றுக்கிழமை தனது நண்பா்கள் இருவருடன் சோ்ந்து காரையூா் கண்மாயில் குளிக்கச் சென்றனா்.

அப்போது, மாபுஜான் தண்ணீரில் மூழ்கினாா். இதையடுத்து, அவரது நண்பா்கள் அளித்த தகவலின் பேரில், கிராம மக்கள் வந்து மீட்ட போது, அவா் உயிரிழந்தது தெரியவந்தது. தகவலறிந்து வந்த கண்டவராயன்பட்டி போலீஸாா் மாணவரின் உடலை மீட்டு, கூறாய்வுக்காக திருப்பத்தூா் அரசு மருத்துவமனைக்கு அனுப்பி வைத்தனா். மேலும், இதுகுறித்து வழக்குப் பதிந்து விசாரித்து வருகின்றனா்.