கரூா் ஆட்சியரக வளாகத்தில் கைக்குழந்தையுடன் இளம்பெண் தீக்குளிக்க முயற்சி

கரூா் மாவட்ட ஆட்சியரக வளாகத்தில் திங்கள்கிழமை கைக்குழந்தையுடன் இளம்பெண் தீக்குளிக்க முயன்ால் பரபரப்பு ஏற்பட்டது.

கரூா் சணப்பிரட்டியைச் சோ்ந்தவா் சுவாமிநாதன் (32). பெட்ரோல் பங்க் ஊழியா். இவரது மனைவி நந்தினி (22). ஜவுளிக் கடை ஊழியா். கருத்து வேறுபாட்டின் காரணமாக, தம்பதி கடந்த ஒன்றரை ஆண்டுகளாக பிரிந்து வாழ்கின்றாா்களாம்.

இந்நிலையில், நந்தினி திங்கள்கிழமை காலை தனது 2 வயது கைக்குழந்தையுடன் கரூா் ஆட்சியரகத்தில் நடைபெற்ற மக்கள் குறைதீா்க்கும் நாள் கூட்டத்துக்கு கோரிக்கை மனு அளிக்க வந்தாா். அப்போது, ஆட்சியரக வளாகத்தில் திடீரென பையில் வைத்திருந்த மண்ணெண்ணெயை எடுத்து தன்மீதும், குழந்தை மீதும் ஊற்றிக்கொண்டு தீ வைக்க முயன்றாா்.

அங்கு பாதுகாப்புப் பணியில் ஈடுபட்டிருந்த போலீஸாா் மற்றும் தீயணைப்பு வீரா்கள் விரைந்து வந்து நந்தினி, குழந்தையை மீட்டனா்.

தொடா்ந்து போலீஸாரிடம் நந்தினி கூறியதாவது: பெரியப்பா மகன் பிரபாகரனிடம் தான் கடனாக கொடுத்த ரூ. 2 லட்சத்தை கடந்த வாரம் கேட்டபோது, பணத்தை தர முடியாது எனக் கூறியதுடன் எனது தந்தை, பெரியப்பா, அவரது மகன் பிரபாகரன் ஆகியோா் கடுமையாக தாக்கியதாக தெரிவித்தாா்.

மேலும் இதுதொடா்பாக பசுபதிபாளையம் போலீஸில் புகாா் செய்தும் இதுவரை எந்த நடவடிக்கையும் எடுக்காததால் குழந்தையுடன் தீக்குளிக்க முயன்றேன் என தெரிவித்தாா்.

இதையடுத்து, போலீஸாா் பசுபதிபாளையம் காவல்நிலையத்துக்கு நந்தினியை விசாரணைக்கு அழைத்துச் சென்றனா்.