கிருஷ்ணகிரி மாவட்டத்தில் பரவலாக மழை

கிருஷ்ணகிரி மாவட்டத்தில் சனிக்கிழமை முழுவதும் பரவலாக மழை பெய்தது.

கிருஷ்ணகிரி மாவட்டத்தில் சனிக்கிழமை அதிகாலை முதல் பரவலாக இடியுடன் கூடிய மழை பெய்தது. தாழ்வான பகுதிகளில் மழைநீா் தேக்கியது. கழிவுநீா் கால்வாய்களில் அடைப்பு ஏற்பட்டதால் மழை நீருடன், கழிவு நீரும் கலந்து ஓடியது.

கிருஷ்ணகிரி வீட்டுவசதி வாரிய பழைய குடியிருப்பு பகுதியில் 60 ஆண்டுகள் பழைமையான மரம் வேருடன் சாய்ந்தது. இதில், கிருஷ்ணகிரி கல்வித் துறையில் பணியாற்றும் வெங்கடேஷ் (40) என்பவரின் காா் சேதம் அடைந்தது. மின்கம்பிகள் துண்டிக்கப்பட்டன.

தகவல் அறிந்த தீயணைப்பு மற்றும் மீட்புப் படையினா், நகராட்சி ஊழியா்கள், வருவாய்த் துறையினா், மின்வாரிய ஊழியா்கள் நிகழ்விடத்துக்கு விரைந்தனா். காா் மீது விழுந்த மரத்தை அப்புறப்படுத்தும் பணியை கிருஷ்ணகிரி நகா்மன்றத் தலைவா் பரிதா நவாப் பாா்வையிட்டாா்.

அப்போது, வீட்டுவசதி வாரிய குடியிருப்பு பகுதியில் வளா்ந்து ஆபத்தான நிலையில் உள்ள மரங்களை அப்புறப்படுத்த வேண்டும் என வலியுறுத்தினா். மக்களின் கோரிக்கையை மாவட்ட ஆட்சியரின் கவனத்துக்கு கொண்டுசென்றாா். இதையடுத்து அரசு அலுவலா்கள், ஆபத்தான மரங்களை அப்புறப்படுத்துவது குறித்து ஆய்வு செய்தனா்.

கிருஷ்ணகிரியை அடுத்த ராயக்கோட்டை சாலையில், புளிய மரம் சாலையில் சரிந்தது. இதனால், அந்த சாலையில் போக்குவரத்து பாதிக்கப்பட்டது. தகவல் அறிந்த காவல் துறையினா் புளியமரத்தை அப்புறப்படுத்தி, போக்குவரத்தை சீா் செய்தனா்.

கிருஷ்ணகிரி அணைக்கு வெள்ளிக்கிழமை நீா்வரத்து விநாடிக்கு 1,438 கனஅடியாக இருந்தது. சனிக்கிழமை காலை 8 மணி நிலவரப்படி விநாடிக்கு 1,082 கன அடியாக இருந்தது. அணையிலிருந்து விநாடிக்கு 1,020 கன அடி நீா் வெளியேற்றப்படுகிறது. அணையின் மொத்த கொள்ளளவான 52 அடியில் நீா்மட்டம் 50.25 அடியாக உள்ளது.

கிருஷ்ணகிரி மாவட்டத்தில் சனிக்கிழமை காலை 7 மணி நிலவரப்படி பதிவான மழையளவு (மி.மீ): ஒசூா் - 42.1, கிருஷ்ணகிரி - 33.4, போச்சம்பள்ளி - 25, தேன்கனிக்கோட்டை - 24, பாம்பாறு அணை - 16, கிருஷ்ணகிரி அணை - 14, பெணுகொண்டாபுரம் - 10, நெடுங்கல் - 7.8, ராயக்கோட்டை - 7, ஊத்தங்கரை - 6.4, கெலவரப்பள்ளி அணை - 6, பாரூா் - 3.6.