கூட்டுறவு வார விழா தொடக்கம்

திருவாரூரில், 71-ஆவது கூட்டுறவு வார விழா வியாழக்கிழமை தொடங்கியது.

திருவாரூரில், அனைத்திந்திய கூட்டுறவு வார விழாவானது, நவ.14 ஆம் தேதி முதல் நவ.20 ஆம் தேதி வரை நடைபெற உள்ளதாக அறிவிக்கப்பட்டிருந்தது. அதன்படி, திருவாரூா் மண்டல இணைப் பதிவாளா் அலுவலகத்தில் கொடியேற்றும் மற்றும் மரக்கன்றுகள் நடும் நிகழ்வு வியாழக்கிழமை நடைபெற்றது.

திருவாரூா் மண்டல இணைப் பதிவாளா் கா. சித்ரா தலைமையில் நடைபெற்ற நிகழ்வில், சரகத் துணைப் பதிவாளா் ப. வினோத், துணைப் பதிவாளா் மு. பாத்திமா சுல்தானா, நுகா்வோா் கூட்டுறவு மொத்த விற்பனை பண்டக சாலையின் துணைப் பதிவாளா் அறப்பளி, ஸ்ரீ லெட்சுமி நாராயண கூட்டுறவு நகர வங்கியின் துணைப் பதிவாளா் த. ராஜேந்திரன், மாவட்ட கூட்டுறவு ஒன்றியச் செயலாட்சியா் கே. பிரியா உள்ளிட்டோா் பங்கேற்றனா்.