தரங்கம்பாடி வட்டம், கொத்தங்குடி ஊராட்சி பனங்குடி கிராமத்தில் அருள்பாலிக்கும் சீதளாதேவி மாரியப்பன் கோயிலில் ரஷியா, கஜகஸ்தான் நாடுகளைச் சோ்ந்த பக்தா்கள் வியாழக்கிழமை மாலை வழிபட்டனா்.
ரஷியா மற்றும் கஜகஸ்தான் நாட்டைச் சோ்ந்த அலெக்ஸி என்கிற மித்ரா நந்தா தேவ், அண்ணா, தேஜா நந்தா, அருணிமா தேவி உள்பட 6 போ் கொண்ட குழுவினா், பழனி முருகன் கோயிலில் காணிக்கையாக செலுத்துவதற்கு 6 அடி உயரமுள்ள வேலுடன் சித்தூா் நாடி ஜோதிடா் கோபிநாத் தலைமையில் பல்வேறு கோயில்களுக்கு சென்று வழிபட்டு வருகின்றனா்.
அந்தவகையில், பனங்குடி சீதளாதேவி மாரியம்மன் கோயிலுக்கு வந்தனா். அவா்களுக்கு, கோயில் குருக்கள் பரிவட்டம் கட்டியும், மாலை அணிவித்தும் வரவேற்றனா். தொடா்ந்து, அவா்கள் கொண்டுவந்த வேலுக்கு சிறப்பு பூஜைகள் செய்யப்பட்டன.
பின்னா், சீதளா தேவி மாரியம்மனுக்கு நடைபெற்ற அபிஷேகங்களை தரிசனம் செய்த ரஷிய மற்றும் கஜகஸ்தான் பக்தா்கள், பழனி கோயிலுக்கு புறப்பட்டு சென்றனா்.
