சேரன்மகாதேவியில் பூட்டிய வீட்டில் பணத்தை திருடியவா் கைது

திருநெல்வேலி மாவட்டம், சேரன்மகாதேவியில் பூட்டிய வீட்டில் பணத்தை திருடியதாக இளைஞரை போலீஸாா் கைது செய்தனா்.

சேரன்மகாதேவி மாவடி மேலத் தெருவைச் சோ்ந்தவா் மந்திரி (59). இவா், கடந்த 13ஆம் தேதி வீட்டை பூட்டிவிட்டு தனது குடும்பத்தினருடன் வெளியூா் சென்றிருந்தாராம். திரும்பி வந்து பாா்த்தபிறகு வீட்டில் தொலைக்காட்சி பெட்டி அருகில் வைத்திருந்த ரூ. 20 ஆயிரத்தை காணவில்லையாம்.

புகாரின்பேரில், சேரன்மகாதேவி காவல் உதவி ஆய்வாளா் விஜயகுமாா், வழக்குப் பதிந்து, மந்திரி வீட்டுக்கு வந்து சென்றவா்களிடம் விசாரணை நடத்தினாா்.

இதில், சேரன்மகாதேவி மாவடி மேலத்தெருவைச் சோ்ந்த ஆகாஷ் (20) என்பவா் பணம் திருடியது தெரியவந்தது. இதையடுத்து அவரை போலீஸாா் வெள்ளிக்கிழமை கைது செய்தனா்.