நடிகை மமிதா பைஜூ தான் படித்த பள்ளியில் மாணவிகளுடன் உற்சாகமாக நடனமாடியுள்ளார்.
வரதன், விக்ருதி, சூப்பர் சரண்யா உள்ளிட்ட படங்களில் நடித்து கவனம் பெற்றவர் நடிகை மமிதா பைஜூ. மலையாளியான இவருக்கு தென்னிந்தியளவில் பெரும் புகழைப் பெற்றுத்தந்த திரைப்படம் பிரேமலு. இப்படத்தின் நாயகியாக நடித்து அசத்தியவருக்கு வாய்ப்புகள் குவிந்து வருகின்றன.
தற்போது, நடிகர் விஜய்யுடன் ஜன நாயகன் படத்தில் நடித்து வருகிறார்.
இதையும் படிக்க: என் தனிப்பட்ட வாழ்க்கையைக் கூறுவதில் விருப்பமில்லை: மகிழ் திருமேனி
இந்த நிலையில், தன்னுடைய பள்ளிப்படிப்பை முடித்த கோட்டயத்திலுள்ள கிடங்கூர் மேல்நிலைப் பள்ளியின் ஆண்டுவிழாவில் மமிதா பைஜூ சிறப்பு விருந்தினராகப் பங்கேற்றார்.
பள்ளிக்கும் தனக்குமான நினைவுகள் குறித்து பகிர்ந்தவர், மாணவர்களிடம், “உங்களையெல்லாம் பார்க்கும்போது என் பள்ளி வாழ்க்கையை ரொம்ப மிஸ் (miss) செய்கிறேன்” என்றார்.
மேலும், மாணவர்களின் விருப்பத்திற்கு இணங்க, மனசிலாயோ பாடலுக்கு மாணவிகளுடன் இணைந்து நடனமாடினார். இந்த விடியோ இணையத்தில் வைரலாகி வருகிறது.
