தூத்துக்குடியில் சாலைப் பணி: மேயா் ஆய்வு

தூத்துக்குடி அரசு மருத்துவமனை நுழைவாயில் பகுதியில் நடைபெற்றுவரும் புதிய சாலை அமைக்கும் பணி, வடிகால் பணிகளை மேயா் ஜெகன் பெரியசாமி வெள்ளிக்கிழமை பாா்வையிட்டு ஆய்வு மேற்கொண்டாா்.

தூத்துக்குடி அரசு மருத்துவக் கல்லூரி மருத்துவமனைக்கு உள்ளே செல்லும் சாலை, மழைக் காலத்தில் தண்ணீா் தேங்கி காணப்படும். இதனால், மருத்துவமனைக்கு வரும் நோயாளிகள் மற்றும் மருத்துவா்கள் மிகுந்த சிரமப்பட்டு வந்தனா். இதனை சீரமைத்து தண்ணீா் தேங்காமல் இருக்க நடவடிக்கை எடுக்குமாறு மாநகராட்சி மேயருக்கு பொதுமக்கள் கோரிக்கை விடுத்தனா். இதையடுத்து இங்கு மழை நீா் தேங்குவதை தடுக்கும் வகையில், புதிய சாலை மற்றும் வடிகால் பணிகள் நடைபெற்று வருகின்றன. இதனை மேயா் ஜெகன் பெரியசாமி நேரில் பாா்வையிட்டு ஆய்வு செய்தாா்.

இந்நிகழ்வில், மாநகர துணை செயலரும் மாமன்ற உறுப்பினருமான கீதா முருகேசன், பகுதிச் செயலா் ரவீந்திரன் உள்ளிட்டோா் உடனிருந்தனா்.