தஞ்சாவூர் மாவட்டம் பட்டுக்கோட்டை அருகே தினக்கூலியாக பணியாற்றுபவர் ராமு, இவரது மனைவி புஷ்பம் தனியார் கடை ஒன்றில் பணியாற்றி வருகிறார். ( பெயர் மாற்றம் செய்யப்பட்டுள்ளது)
இந்த தம்பதியின் பக்கத்து வீட்டில் வசிப்பவர் ஆரோக்கியதாஸ் (45). இவரது மனைவி வெளிநாட்டில் வேலை செய்கிறார். இந்நிலையில் நேற்று புஷ்பம், வேலைக்கு கிளம்பிய நிலையில் அவரை வழி மறித்த ஆரோக்கியதாஸ் அரிவாளால் புஷ்பம் கழுத்தில் வெட்டியுள்ளார். இதில் சம்பவ இடத்திலேயே துடி துடித்து இறந்தார் புஷ்பம்.
இதையடுத்து அந்த பெண்ணின் உடலை தர தரவென சாலையில் இழுத்து வந்தார் ஆரோக்கியதாஸ். இதைப்பார்த்த அப்பகுதியினர் அதிர்ச்சியடைந்து போலீஸாருக்கு தகவல் கொடுத்தனர். மேலும் கொந்தளிப்பை அடக்க முடியாமல் ஆரோக்கியதாஸை பிடித்து அடித்து, உதைத்து மரத்தில் கட்டி வைத்தனர்.
இதைதொடர்ந்து வந்த ஒரத்தநாடு ஏ.எஸ்.பி., ஷஹ்னாஸ் இலியாஸ் தலைமையில் வந்த வாட்டாத்திக் கோட்டை போலீஸார் ஆரோக்கியதாஸை கைது செய்தனர்.
போலீஸ் விசாரணையில் ஆரோக்கியதாஸ் அளித்த வாக்குமூலத்தில், தனக்கும், புஷ்பத்துக்கும் திருமணம் மீறிய உறவு இருந்தது. நான் ரூ.1 லட்சம் அவருக்கு கடன் கொடுத்திருந்தேன். அந்த பணத்தை இரண்டு மாதங்களாக கேட்டு வந்தேன். ஆனால், புஷ்பம் பணத்தை தராததுடன், நீ என்னுடன் தொடர்பில் இருப்பதை உன் மனைவிக்கிட்ட சொல்லிடுவேனு மிரட்டி வந்தார். அந்த ஆத்திரத்தில் கொலை செய்து விட்டதாக கூறியுள்ளார். இதை போலீஸார் தீர விசாரிக்க வேண்டும் என்றனர்.
Junior Vikatan-ன் பிரத்யேக Whatsapp Group...
இணைவதற்கு இங்கே க்ளிக் செய்யவும்... https://tinyurl.com/2b963ppb
வணக்கம்,
BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...https://tinyurl.com/2b963ppb
