பரமத்தி வேலூரில் துணை முதல்வருக்கு வரவேற்பு

பரமத்தி வேலூரில் தமிழக துணை முதல்வா் உதயநிதி ஸ்டாலினுக்கு சிறப்பான வரவேற்பு அளிக்கப்பட்டது.

அரசு நிகழ்ச்சியில் கலந்து கொள்வதற்காக சேலத்தில் இருந்து பரமத்தி வேலூா் வழியாக திண்டுக்கல் சென்ற துணை முதல்வா் உதயநிதி ஸ்டாலினுக்கு பரமத்தி வேலூா் தேசிய நெடுஞ்சாலையில் உள்ள வேலூா் பிரிவு சாலையில் நாமக்கல் மேற்கு மாவட்ட திமுக செயலாளா் மதுரா செந்தில் தலைமையில் சிறப்பான வரவேற்பு அளிக்கப்பட்டது.

இதில் அமைச்சா் மதிவேந்தன், திமுக கிழக்கு மாவட்டச் செயலாளரும், மாநிலங்களை உறுப்பினருமான கே.என்.ஆா் ராஜேஸ்குமாா் உள்ளிட்டோா் உடனிருந்தனா்.

தொடா்ந்து பரமத்தி வேலூா் பேருந்து நிலையத்தில் நாமக்கல் மேற்கு மாவட்ட இளைஞா் அணி துணை அமைப்பாளா் பூக்கடை சுந்தரின் தாயாா் தேவியின் உருவப்படத்துக்கு துணை முதலமைச்சா் உதயநிதி ஸ்டாலின் மலா்கள் தூவி அஞ்சலி செலுத்தி குடும்பத்தினருக்கு ஆறுதல் தெரிவித்தாா்.

நிகழ்ச்சியில் மாவட்ட விளையாட்டு மேம்பாட்டு அணி துணை அமைப்பாளா் மகிழ் பிரபாகரன், மாவட்ட இளைஞா் அணி துணை அமைப்பாளா் நவலடிராஜா, வேலூா் நகர செயலாளா் முருகன், தலைமை பொதுக்குழு உறுப்பினா் சாமிநாதன், பரமத்தி, மோகனூா் ஒன்றிய செயலாளா்கள் தன்ராஜ், சண்முகம் ஆகியோா் கலந்து கொண்டனா்.