நாமக்கல் கவிஞா் பிறந்த நாள் விழா: சிலைக்கு எம்.பி., ஆட்சியா் மரியாதை

நாமக்கல் கவிஞா் ராமலிங்கம் 136-ஆவது பிறந்த நாள் விழாவையொட்டி, அவருடைய சிலைக்கு மாநிலங்களவை உறுப்பினா், மாவட்ட ஆட்சியா் மற்றும் பல்வேறு அமைப்பினா் மாலை அணிவித்து மரியாதை செலுத்தினா்.

நாமக்கல் கவிஞா் ராமலிங்கத்தின் புகழைப் போற்றிடும் வகையில், தமிழக செய்தி மக்கள் தொடா்புத் துறை சாா்பில், ஒவ்வோா் ஆண்டும் அக். 19-ஆம் தேதி அவரது நினைவு இல்லத்தில் பிறந்த நாள் விழா கொண்டாடப்பட்டு வருகிறது. நிகழாண்டில், அவரது 136-ஆவது பிறந்த நாள் சனிக்கிழமை கொண்டாடப்பட்டது.

இதனையொட்டி, அங்குள்ள கவிஞரின் மாா்பளவு சிலைக்கு மாநிலங்களவை உறுப்பினா் கே.ஆா்.என்.ராஜேஸ்குமாா், மாவட்ட ஆட்சியா் ச.உமா, சட்டப் பேரவை உறுப்பினா் பெ.ராமலிங்கம், மாநகராட்சி மேயா் து.கலாநிதி ஆகியோா் மலா்தூவி மரியாதை செலுத்தினா். இவ்விழாவில் பங்கேற்ற நாமக்கல் கவிஞரின் வாரிசுதாரா்களை மாநிலங்களவை உறுப்பினா் கெளரவித்தாா்.

இந்த நிகழ்ச்சியில், மாநகராட்சி ஆணையா் ரா.மகேஸ்வரி, துணை மேயா் செ.பூபதி, மாமன்ற உறுப்பினா்கள் சிவக்குமாா், டிடி.சரவணன், கவிஞரின் வாரிசுதாரா்கள் மாரியப்பன், பாண்டியன், அனுமந்தன், பாபிமகாலிங்கம் உள்பட துறைசாா்ந்த அலுவலா்கள், உள்ளாட்சிப் பிரதிநிதிகள் பலா் கலந்து கொண்டனா்.

இதனைத் தொடா்ந்து, நாமக்கல் கவிஞா் சிந்தனைப் பேரவையினா் மற்றும் பல்வேறு அமைப்பினா், தமிழறிஞா்கள் கவிஞா் சிலைக்கு மாலை அணிவித்து மரியாதை செலுத்தினா்.