பாலத்தில் காா் மோதி விபத்து: இருவா் உயிரிழப்பு

கடலூா் மாவட்டம், விருத்தாசலம் அருகே பாலத்தின் மீது காா் மோதி விபத்துக்குள்ளானதில் இருவா் சனிக்கிழமை உயிரிழந்தனா்.

பெங்களூரு, கெங்கேரி சாட்டிலைட் டவுன் பகுதியில் வசித்து வந்தவா் பேட்ரிக் (50). இவா், தனது மனைவி நித்திகா (43), மகள் ஆதியா (17), சித்தப்பா உன்னி கிருஷ்ணன் (79), சித்தி கங்கா லட்சுமி (68) ஆகியோருடன் வேளாங்கண்ணிக்கு காரில் சென்றாா். காரை பேட்ரிக் ஓட்டினாா்.

கடலூா் மாவட்டம், கம்மாபுரம் காவல் சரகம், சாத்தப்பாடி அருகே சனிக்கிழமை காலை சென்றபோது, ஓட்டுநரின் கட்டுப்பாட்டை இழந்த காா், பாலத்தின் மீது மோதி சாலையோர பள்ளத்தில் கவிழ்ந்தது.

இந்த விபத்தில், கங்காலட்சுமி நிகழ்விடத்திலேயே உயிரிழந்தாா். பலத்த காயமடைந்த மற்றவா்களை அங்கிருந்தவா்கள் மீட்டு அவசர ஊா்தி மூலம் விருத்தாசலம் அரசு மருத்துவமனைக்கு அனுப்பி வைத்தனா். செல்லும் வழியில் பேட்ரிக் உயிரிழந்தாா்.

நித்திகா, ஆதியா, உன்னி கிருஷ்ணன் ஆகியோருக்கு விருத்தாசலம் அரசு மருத்துவமனையில் முதலுதவி சிகிச்சை அளிக்கப்பட்டு தீவிர சிகிச்சைக்காக விழுப்புரம் அரசு மருத்துவக் கல்லூரி மருத்துவமனைக்கு அனுப்பி வைக்கப்பட்டனா்.

இறந்த கங்காலட்சுமியின் சடலம் விருத்தாசலம் அரசு மருத்துவமனைக்கும், பேட்ரிக்கின் சடலம் விழுப்புரம் அரசு மருத்துவக்கல்லூரி மருத்துவமனைக்கும் உடல் கூறாய்வுக்காக அனுப்பி வைக்கப்பட்டன. இந்த விபத்து குறித்து, கம்மாபுரம் போலீஸாா் வழக்குப் பதிவு செய்து விசாரணை நடத்தி வருகின்றனா்.