பிரியங்கா காந்திக்கு ஆதரவாக வயநாட்டில் வினேஷ் போகத் பிரசாரம்!

மல்யுத்த வீராங்கனையும் ஹரியாணாவை சேர்ந்த காங்கிரஸ் எம்.எல்.ஏ.வுமான வினேஷ் போகத் காங்கிரஸ் பொதுச்செயலர் பிரியங்கா காந்திக்கு ஆதரவாக வயநாட்டில் தேர்தல் பிரச்சாரத்தில் ஈடுபட்டுள்ளார்.

தேர்தல் பிரச்சாரத்தில் ஈடுபட்டுள்ள வினேஷ் போகத் பேசுகையில், “பிரியங்கா காந்தி அவர்கள் இங்கிருந்து(வயநாடு) போட்டியிடுகிறார். வயநாட்டு மக்களுக்கு சிறந்தவற்றைச் செய்ய அவர் நிச்சயமாக அனைத்து முயற்சிகளையும் மேற்கொள்வார்.

வயநாடு மீது ராகுல் காந்திக்கு மிகுந்த அன்பு உண்டு. எங்களுடைய கோரிக்கை என்னவென்றால், இங்குள்ள மக்களுக்கு சேவையாற்ற எங்களுக்கு ஒரு வாய்ப்பளியுங்கள் என்பதே” என்று பேசினார்.