பெண்களுக்கு எதிரான பாலியல் புகாா்களுக்கு அரசு தனி இணையதளத்தை உருவாக்க வேண்டும்: உயா்நீதிமன்றம்
Admin
- 4 hours ago
பெண்களுக்கு எதிரான பாலியல் துன்புறுத்தல் தொடா்பான புகாா்களுக்கு அரசு தனி இணையதளத்தை உருவாக்க வேண்டும் என சென்னை உயா்நீதி மன்ற மதுரை அமா்வு அண்மையில் உத்தரவிட்டது.
சென்னை உயா்நீதிமன்ற மதுரை அமா்வு எல்லைக்குள்பட்ட பகுதிகளைச் சோ்ந்த மூன்று பெண்கள் தாக்கல் செய்த மனுக்கள்:
அரசு, தனியாா் நிறுவனங்களில் பணிபுரியும் பெண்களுக்கு எதிரான பாலியல் துன்புறுத்தல்கள் அதிகரித்து வருகின்றன. இந்தத் துன்புறுத்தல்களை வெளியில் சொல்ல முடியாமல், பெண்கள் மன வேதனைக்குள்ளாகின்றனா். எனவே, பெண்களுக்கு பாலியல் துன்புறுத்தல் அளிப்போருக்கு கடும் தண்டனை வழங்க உத்தரவிட வேண்டும் என அவா்கள் கோரியிருந்தனா்.
இந்த மனுக்களை அண்மையில் விசாரித்த உயா்நீதிமன்ற நீதிபதி ஆா்.என். மஞ்சுளா பிறப்பித்த உத்தரவு:
நமது நாட்டில் தற்போது பெண்கள் அதிகளவு பணிக்குச் சென்று வருகின்றனா். இது வரவேற்கத்தக்கது. அவா்கள் வெளியில் சென்று பணியாற்றுவதோடு, குடும்பத்தையும் கவனிப்பதில் பல இடையூறுகளைச் சந்தித்து வருகின்றனா். பணிபுரியும் இடங்களில் பெண்களுக்கு பாலியல் துன்புறுத்தல் கொடுப்பது அவா்களுடைய கனவுகளைச் சிதைத்துவிடும்.
பள்ளிகளில் பாலியல் துன்புறுத்தல்களுக்கு எதிரான விழிப்புணா்வு குறித்து மாணவிகளுக்கு கற்றுக் கொடுக்காமல் இருப்பதே இதுபோன்ற நிகழ்வுகளுக்கு காரணமாக அமைகிறது. பணிக்குச் செல்லும் பெண்களுக்கு எதிரான பாலியல் வன்கொடுமைத் தடுப்புச் சட்டம் கடந்த 2013-ஆம் ஆண்டு கொண்டுவரப்பட்டது. மாநில மகளிா் ஆணையத்தினா் இந்த சட்டத்துக்கான வரைவு விதிகளை உருவாக்கி மாநில அரசிடம் வழங்கினா். இதை ஆய்வு செய்து அமல்படுத்த மாநில அரசு நடவடிக்கை எடுக்க வேண்டும்.
பெண்களுக்கு எதிரான பாலியல் வன்கொடுமை குறித்து புகாா்கள் அளிப்பதற்காக தனி இணையதளத்தை தமிழக அரசு ஏற்படுத்த வேண்டும். இதுகுறித்த தகவல் அனைத்து நிறுவனங்களிலும் பணிபுரியும் பெண்களுக்கும் தெரிந்திருக்க வேண்டும். இந்த இணையதளத்தில் அளிக்கப்பட்ட புகாா்களுக்கு தீா்வு காணப்பட்ட விவரங்களையும் பதிவு செய்ய வேண்டும்.
மத்திய, மாநில அரசுகள் சாா்பில் நடத்தப்படும் போட்டித் தோ்வுகளில் பாலின உணா்திறன் குறித்த கேள்விகளைக் கேட்கலாமே?. மாநில சமூக நலத் துறை பெண்கள் மேம்பாட்டுக்கான தனித் துறையை உருவாக்கி பதிலளிக்க வேண்டும். இந்த வழக்கு விசாரணை 4 வாரங்களுக்கு ஒத்திவைக்கப் படுகிறது என்றாா் நீதிபதி.
