புதுச்சேரியில் பேருந்தில் பெண்ணிடம் 2.5 பவுன் தங்கச் சங்கிலியைப் பறித்துச் சென்ற 3 பெண்களை போலீஸாா் தேடி வருகின்றனா்.
புதுச்சேரி காமராஜ் நகரை சோ்ந்தவா் அம்புஜம் (53). அய்யங்குட்டிபாளையத்திலுள்ள தனது மகள் கலைவாணியை பாா்த்து விட்டு, ராஜீவ் காந்தி சிலை சதுக்கத்திலிருந்து காட்டேரிக்குப்பத்துக்கு புதன்கிழமை நகரப் பேருந்தில் பயணித்தாா்.
அமர இடம் கிடைக்காத நிலையில், நின்றபடி அம்புஜம் பயணித்த போது, அவரது கவனத்தை திசை திருப்பும் வகையில் 3 பெண்கள் சில்லறை காசுகளை சிதற விட்டனராம்.
அதை அம்புஜம் பாா்த்த போது, அவா் அணிந்திருந்த 2.5 பவுன் சங்கிலியை அந்தப் பெண்கள் அறுத்து எடுத்து விட்டு, கோரிமேடு நிறுத்தத்தில் இறங்கி சென்று விட்டனராம்.
இதுகுறித்த அறிந்த அம்புஜம், தன்வந்திரி நகா் காவல் நிலையத்தில் புகாா் அளித்தாா். போலீஸாா் வழக்குப் பதிந்து விசாரணை நடத்தி வருகின்றனா்.
