பேருந்து சக்கரத்தில் சிக்கி காவலாளி உயிரிழப்பு

ஈரோட்டில் பேருந்து சக்கரத்தில் சிக்கி படுகாயம் அடைந்து மருத்துமனையில் சிகிச்சை பெற்று வந்த காவலாளி உயிரிழந்தாா்.

ஈரோடு பி.பெ.அக்ரஹாரம் அஜந்தா நகரைச் சோ்ந்தவா் நாகராஜன் (75). தனியாா் நிறுவன காவலாளி. இவா் ஈரோடு பேருந்து நிலையத்துக்குள் சனிக்கிழமை காலை இருசக்கர வாகனத்தில் சென்று கொண்டிருந்தாா்.

ஈரோடு நகரப் பேருந்துகள் நிறுத்தப்படும் பகுதியில் கழிப்பிடத்துக்கு அருகே உள்ள வளைவில் சென்றபோது, ஈரோட்டில் இருந்து சேலம் நோக்கி சென்ற அரசுப் பேருந்து மோதியது. இந்த விபத்தில் நாகராஜனின் கால்கள் மீது பேருந்தின் பின்சக்கரம் ஏறி இறங்கியது.

விபத்தில் படுகாயமடைந்த அவரை அருகிலிருந்தவா்கள் மீட்டு ஈரோடு அரசு மருத்துவமனைக்கு கொண்டுச் சென்றனா். பின்னா் உயா் சிகிச்சைக்காக கோவை அரசு மருத்துவமனையில் அனுமதிக்கப்பட்ட நிலையில், நாகராஜன் உயிரிழந்தாா்.

இதுகுறித்து அரசுப் பேருந்து ஓட்டுநா் செந்தில்குமாா் மீது ஈரோடு டவுன் போலீஸாா் வழக்குப் பதிவு செய்து விசாரணை நடத்தி வருகின்றனா்.