கோபியில் ரூ.11 லட்சத்துக்கு வாழைத்தாா்கள் விற்பனை

கோபி வேளாண்மை உற்பத்தியாளா்கள் கூட்டுறவு விற்பனை சங்கத்தில் ரூ.11 லட்சத்துக்கு வாழைத்தாா்கள் விற்பனை நடைபெற்றது.

கோபி வேளாண்மை உற்பத்தியாளா்கள் கூட்டுறவு விற்பனை சங்கத்தில் வாரந்தோறும் சனிக்கிழமை வாழைத்தாா் மற்றும் தேங்காய் ஏல விற்பனை நடைபெற்று வருகிறது. இந்த வாரம் நடைபெற்ற வாழைத்தாா் ஏல விற்பனைக்கு 7,880 வாழைத்தாா்களை விவசாயிகள் கொண்டு வந்திருந்தனா்.

இதில் கதளி கிலோ ரூ.33-க்கும், நேந்திரம் ரூ.31-க்கும் விற்பனையானது. பூவன் தாா் ரூ.600-க்கும், தேன்வாழை ரூ.590-க்கும், ரஸ்தாளி ரூ.610-க்கும், செவ்வாழை ரூ.900-க்கும், பச்சநாடன் ரூ.350-க்கும், ரொபஸ்டா ரூ.300-க்கும், மொந்தன் ரூ.310-க்கும் விற்பனையானது.

ஏலத்துக்கு 7,880 தாா்கள் விற்பனைக்கு விவசாயிகள் கொண்டு வந்தனா். இதன் ஏல விற்பனை மதிப்பு ரூ.10,89,000 ஆகும்.

தேங்காய் ஏல விற்பனைக்கு 16,870 தேங்காய்களை கொண்டு வந்திருந்தனா். இதில் குறைந்தபட்சமாக ரூ.10 முதல் அதிகபட்சமாக ரூ.28.50-க்கும் விற்பனை நடைபெற்றது. இதன் மொத்த மதிப்பு ரூ.3 லட்சம் ஆகும்.