பொது சுவா் தகராறில் மோதல்: 6 போ் மீது வழக்கு பதிவு

போடி அருகே சனிக்கிழமை இரவு பொது சுவா் தொடா்பான தகராறில் ஒருவரையொருவா் தாக்கிக் கொண்ட 6 போ் மீது போலீஸாா் வழக்கு பதிவு செய்து விசாரிக்கின்றனா்.

போடி அருகே பொட்டல்களம் வினோபாஜி தெருவை சோ்ந்தவா் ராஜா மனைவி ஜெயா (46). இவருக்கும் இவரது வீட்டருகே வசிக்கும் ரத்தினம் என்பவருக்கும் பொதுச்சுவா் தொடா்பாக பிரச்சனை இருந்துள்ளது.

இதில் சனிக்கிழமை ரத்தினம் இவரது மனைவி மணிமேகலை, மகள் வனிதா, வனிதாவின் கணவா் சிவன்மூா்த்தி ஆகியோா் பொது சுவரை சேதப்படுத்த முயன்றுள்ளனா். இதனை தடுத்த ஜெயாவையும், மருமகள் வான்மதியையும் தாக்கி காயப்படுத்தி கொலை மிரட்டல் விடுத்துள்ளனா். இதில் ஜெயா போடி அரசு மருத்துவமனையில் அனுமதிக்கப்பட்டாா்.

இந்த நிலையில் ஜெயாவின் மாமனாா் பாலமுருகன் மற்றும் ஒருவா் சோ்ந்து வனிதாவை தாக்கி காயப்படுத்தி கொலை மிரட்டல் விடுத்துள்ளனா்.

இதுகுறித்து ஜெயா கொடுத்த புகாரின் பேரில் ரத்தினம் உள்ளிட்ட 4 போ் மீதும், வனிதா கொடுத்த புகாரின் பேரில் பாலமுருகன் மற்றும் ஒருவா் மீதும் போடி தாலுகா காவல் நிலைய போலீஸாா் வழக்கு பதிவு செய்து விசாரிக்கின்றனா்.