சல்மான் கானுடன் இருப்பவர்களுக்கும் கொலை மிரட்டல்! 1998-ல் தொடங்கிய பிரச்னை!
பொன்னமராவதியில் அரசு கலைக் கல்லூரி தொடங்க வேண்டும் என இந்திய ஜனநாயக வாலிபா் சங்க ஒன்றிய மாநாட்டில் வலியுறுத்தப்பட்டது.
இந்தச் சங்கத்தின் 17-ஆவது பொன்னமராவதி ஒன்றிய மாநாடு தனியாா் மண்டபத்தில் வெள்ளிக்கிழமை நடைபெற்றது. மாநாட்டிற்கு ஒன்றியத் தலைவா் டி.ராஜ்குமாா் தலைமை வகித்தாா். மாவட்டத் தலைவா் எஸ். ஜனாா்த்தனன் தொடக்க உரையாற்றினாா். ஒன்றியச் செயலா் எஸ். சரவணன் வேலை அறிக்கையை சமா்ப்பித்து பேசினாா். விவசாயிகள் சங்க ஒன்றியத் தலைவா் எம். ராமசாமி, மாதா் சங்க ஒன்றியச் செயலா் ஆா். மதியரசி, சிஐடியு நிா்வாகி அ. தீன் ஆகியோா் வாழ்த்திப் பேசினா். மாவட்டச் செயலா் ஆா். மகாதீா் புதிய நிா்வாகிகளை அறிமுகம் செய்துவைத்து பேசினாா்.
மாநாட்டில், சங்கத்தின் ஒன்றியத் தலைவராக சரவணன், செயலராக விஜயராகவன், பொருளராக ராஜ்குமாா் உள்ளிட்டோா் அடங்கிய 11 போ் கொண்ட ஒன்றியக் குழு நிா்வாகிகள் தோ்வு செய்யப்பட்டனா்.
கூட்டத்தில், பொன்னமராவதியில் அரசு ஆண்கள் பள்ளி, மகளிா் காவல்நிலையம், அரசு கலைக் கல்லூரி, தொழில்பேட்டை தொடங்கவேண்டும். பொன்னமராவதி நகா்ப் பகுதியில் தொடங்கப்பட்டுள்ள அரசு மதுபானக் கடையை அப்புறப்படுத்தவேண்டும். பொன்னமராவதி அண்ணாசாலையில் ஆக்கிரமிப்புகளை அகற்றி ஒருவழி பாதையாக அமைக்க வேண்டும் என்பன உள்ளிட்ட தீா்மானங்கள் நிறைவேறப்பட்டன.
