போதைப் பொருள் தொடா்பாக திடீா் ஆய்வு: 10 போ் கைது, 500 போதை மாத்திரைகள் பறிமுதல்

போதைப் பொருள் தடுப்பு தொடா்பாக கோவையில் போலீஸாா் நடத்திய திடீா் சோதனையில் 10 போ் கைது செய்யப்பட்டனா். அவா்களிடமிருந்து 500 போதை மாத்திரைகள், 7 கைப்பேசிகள் உள்ளிட்டவை பறிமுதல் செய்யப்பட்டன.

கோவை மாநகரப் பகுதியில் போதைப் பொருள் விற்பனையைத் தடுக்க மாநகர காவல் ஆணையா் வே.பாலகிருஷ்ணன் உத்தரவின்பேரில் துணை ஆணையா்கள் ஸ்டாலின், சரவணகுமாா் ஆகியோா் மேற்பாா்வையில் போலீஸாா் தீவிர நடவடிக்கைகளை மேற்கொண்டு வருகின்றனா். இது தொடா்பாக அடிக்கடி வாகனத் தணிக்கையும் நடைபெற்று வருகிறது.

இந்நிலையில் துணை ஆணையா் சரவணகுமாா் மேற்பாா்வையில், குனியமுத்தூா் உதவி ஆணையா் அஜய், கரும்புக்கடை ஆய்வாளா் தங்கம் ஆகியோா் தலைமையில் போலீஸாா் உக்கடம் ஆத்துப்பாலம் அருகே உள்ள சுண்ணாம்புக் காளவாய் பகுதியில் புதன்கிழமை தீவிர வாகனத் தணிக்கையில் ஈடுபட்டனா்.

அப்போது அந்த வழியாக வந்த இருசக்கர வாகனத்தை தடுத்து நிறுத்தி அதில் இருந்தவா்களிடம் விசாரணை நடத்தினா். விசாரணையில் அவா்கள், போதை மாத்திரைகளை விற்பனை செய்யும் கும்பலைச் சோ்ந்தவா்கள் என்பதும், வெளியூா்களில் இருந்து போதை மாத்திரைகளை வாங்கி அவற்றை கோவைக்கு கடத்தி வந்து கல்லூரி மாணவா்களை குறிவைத்து விற்பனை செய்து வருவதும் தெரியவந்துள்ளது.

இதையடுத்து போதை மாத்திரை விற்பனை செய்த மதுரை மாவட்டம், பேரையூரைச் சோ்ந்த பிரகாஷ் (31), கோவை கரும்புக்கடையைச் சோ்ந்த முகமது நெளபல் (29), முஜிப் ரஹ்மான் (29), ரிஸ்வான் சுஹைல் (24), முகமது சபீா் (24), மன்சூா் ரஹ்மான் (27), சனூப் (27), முஜிபுா் ரஹ்மான் (32), அனீஸ் ரஹ்மான் (22), சா்ஜுன் (27) ஆகிய 10 பேரை போலீஸாா் கைது செய்தனா். அவா்களிடம் இருந்து 500 போதை மாத்திரைகள், கஞ்சா, ஊசிகள் ஆகியவற்றுடன் 7 கைப்பேசிகளும் பறிமுதல் செய்யப்பட்டன.

இது குறித்து காவல் துறை அதிகாரிகள் கூறியதாவது:

மதுரை பேரையூரைச் சோ்ந்த பிரகாஷ் மீது கஞ்சா கடத்தல் உள்ளிட்ட பல்வேறு வழக்குகள் உள்ளன. இதனால் அவா் சேலம் சிறையில் அடைக்கப்பட்டு இருந்தாா். அப்போது அதே சிறையில் இருந்த குஜராத்தைச் சோ்ந்த ஒருவருடன் பழக்கம் ஏற்பட்டுள்ளது. பின்னா் 2 பேரும் கடந்த சில நாள்களுக்கு முன்பு வெளியே வந்தனா்.

இதைத் தொடா்ந்து பிரகாஷ், குஜராத்தைச் சோ்ந்த நபரை கைப்பேசி மூலம் தொடா்பு கொண்டு, பேசி அவரிடம் இருந்து போதை மாத்திரைகளை கோவைக்கு கடத்தி வந்துள்ளாா். பின்னா் அதில் ஒரு மாத்திரையை ரூ.300-க்கும் மேல் விற்பனை செய்து உள்ளாா். அவா்களிடம் இருந்து ரூ.2 லட்சம் மதிப்பிலான போதை மாத்திரைகள் உள்ளிட்டவை பறிமுதல் செய்யப்பட்டன. இது குறித்து மேலும் விசாரணை நடத்தப்பட்டு வருகிறது என்றனா்.