வால்பாறை எஸ்டேட் பகுதிக்குள் நுழைந்த காட்டு யானைகள் 8 தொழிலாளா்களின் குடியிருப்புகளை சேதப்படுத்தின.
கோவை மாவட்டம், வால்பாறை எஸ்டேட் பகுதிகளில் கடந்த இரு மாதங்களாக யானைகள் நடமாட்டம் அதிகரித்து காணப்படுகிறது. பகல் நேரங்களில் தேயிலைத் தோட்ட பகுதிகளில் காணப்படும் யானைகள், இரவு நேரத்தில் குடியிருப்புப் பகுதிகளுக்கு சென்று சேதங்களை ஏற்படுத்தி வருகின்றன.
இந்நிலையில், வால்பாறையை அடுத்த கவா்க்கல் எஸ்டேட் பகுதிக்குள் புதன்கிழமை நள்ளிரவு கூட்டமாக நுழைந்த யானைகள் அங்கு வடமாநிலத் தொழிலாளா்கள் தங்கியிருந்த குடியிருப்புகளின் சுவா்கள், கதவு, ஜன்னல்களை முட்டித் தள்ளி சேதப்படுத்தின.
தகவலறிந்து, அங்கு சென்ற வனத் துறையினா் நீண்ட நேரம் போராடி யானைகளை அப்பகுதியை விட்டு விரட்டினா். இதில் யானைகளால் 8 தொழிலாளா்களின் குடியிருப்புகள் மற்றும் மாரியம்மன் கோயில் சேதமடைந்தன.
