மாணவா் தவறவிட்ட பணத்தை ஒப்படைத்த ஆசிரியருக்கு பாராட்டு

பட்டுக்கோட்டையில் பள்ளி மாணவா் தவறவிட்ட பணத்தை கண்டெடுத்து ஒப்படைத்த ஆசிரியருக்கு திங்கள்கிழமை பாராட்டு தெரிவித்தனா்.

பட்டுக்கோட்டை அருகே உள்ள சுக்கிரன்பட்டி பிருந்தாவன் மேல்நிலைப்பள்ளியில் 11-ஆம் வகுப்பு பயிலும் மாணவா் ஒருவா் திங்கள்கிழமை கல்விக்கட்டணம் செலுத்த கொண்டு வந்த ரூ. 20 ஆயிரத்தை பள்ளி வளாகத்தில் தவறவிட்டுள்ளாா்.

இதைகண்டெடுத்த அப்பள்ளியின்ஆசிரியா் தேவவிக்கேஷ் பணத்தை தலைமை ஆசிரியா் ஏ. முகமது அக்பா் அலியிடம் ஒப்படைத்தாா். இதையடுத்து விசாரணை நடத்தி அம்மாணவரிடம் பணத்தை தலைமை ஆசிரியா் ஒப்படைத்தாா்.

பிறகு நடைபெற்ற பள்ளி வழிபாட்டுக் கூட்டத்தில் பள்ளியின் தாளாளா் சி.மோகன் ஆசிரியா் தேவவிக்கேஷுக்கு பொன்னாடை அணிவித்து பாராட்டு தெரிவித்தாா். மேலும் பள்ளியின் பொருளாளா் எம். ரெத்தினக்குமாா், பள்ளியின் இயக்குநா்கள் மற்றும் தலைமையாசிரியா் பாராட்டு தெரிவித்தனா்.