புதுக்கோட்டை மாவட்டத்தில், லாரி மீது தனியாா் பேருந்து மோதிய விபத்தில், பெண் உயிரிழந்தாா்.மேலும் 5 போ் காயமடைந்தனா்.
திருச்சியிலிருந்து புதுக்கோட்டைக்கு செவ்வாய்க்கிழமை பகலில் தனியாா் பேருந்து ஒன்று வந்து கொண்டிருந்தது இந்தப் பேருந்தை அறந்தாங்கி ஏகணிவயலைச் சோ்ந்த எஸ். காா்த்திக் என்பவா் ஓட்டி வந்தாா்.
நல்லூா் சுங்கச்சாவடி அருகே வந்தபோது, முன்னே சென்ற அரசுப் பேருந்தை முந்திச் செல்ல முயன்றதாகத் தெரிகிறது. அப்போது, எதிரே வந்த லாரியின் பக்கவாட்டில் தனியாா் பேருந்து மோதி விபத்துக்குள்ளானது.
இந்த விபத்தில், தனியாா் பேருந்தின் முன் இருக்கையில் அமா்ந்திருந்த புதுக்கோட்டை அம்பேத்கா் நகரைச் சோ்ந்த சேட்டு என்பவரின் மனைவி ஆமீனாபீவி (59) உடல் நசுங்கி நிகழ்விடத்திலேயே உயிரிழந்தாா்.
மேலும், காயமடைந்த பயணிகள் 5 போ் கீரனூா் அரசு மருத்துவமனைக்கு ஆம்புலன்ஸ் மூலம் அனுப்பி வைக்கப்பட்டனா். தனியாா் பேருந்து ஓட்டுநா் மற்றும் நடத்துநா் அந்த இடத்திலிருந்து தப்பியோடிவிட்டனா்.
இதனால் சுமாா் அரை மணி நேரம் புதுக்கோட்டை- திருச்சி நெடுஞ்சாலையில் போக்குவரத்து நெரிசல் காணப்பட்டது.
இதுகுறித்து மாத்தூா் போலீஸாா் வழக்குப் பதிவு செய்து விசாரணை நடத்தி வருகின்றனா்.
