மத்திய அரசை கண்டித்து புதுக்கோட்டையில் தொழிலாளா்கள், விவசாயிகள் ஆா்ப்பாட்டம்

மத்திய பாஜக அரசின் ஜனநாயக விரோத, மக்கள் விரோத போக்கை கண்டித்து புதுக்கோட்டையில் அனைத்துத் தொழிற்சங்கங்கள் மற்றும் ஐக்கிய விவசாயிகள் முன்னணி சாா்பில் செவ்வாய்க்கிழமை ஆா்ப்பாட்டம் நடைபெற்றது.

புதுக்கோட்டை சின்னப்பா பூங்கா அருகில் நடைபெற்ற ஆா்ப்பாட்டத்துக்கு ஐக்கிய விவசாயிகள் முன்னணியின் மாவட்ட ஒருங்கிணைப்பாளா் மு. மாதவன் தலைமை வகித்தாா்.

தொமுச மாவட்டத் தலைவா் அ. ரெத்தினம், சிஐடியு மாவட்டத் தலைவா் கே. முகமதலி ஜின்னா, ஏஐடியுசி மாவட்டச் செயலா் ப. ஜீவானந்தம், ஏஐசிசிடியு மாவட்டச் செயலா் வி. முத்துச்சாமி ஆகியோா் முன்னிலை வகித்தனா்.

ஆா்ப்பாட்டத்தில் கலந்துகொண்டு அகில இந்திய விவசாயத் தொழிலாளா் சங்கத்தின் மாநிலத் தலைவரும், கந்தா்வகோட்டை தொகுதி சட்டப்பேரவை உறுப்பினருமான எம். சின்னதுரை, விவசாயத் தொழிலாளா் சங்க மாநிலச் செயலா் எஸ். சங்கா், மாவட்டச் செயலா் டி. சலோமி, விவசாயிகள் சங்க மாவட்டச் செயலா் ஏ. ராமையன், மாவட்டத் தலைவா் எஸ். பொன்னுசாமி, ஏஐடியுசி மாவட்டத் தலைவா் உ. அரசப்பன் உள்ளிட்டோா் பேசினா்.