வழக்குகள் நிலுவையில் உள்ளோா் காவல் நிலையத்தில் ஆஜா்

பழைய வழக்குகள் நிலுவையில் உள்ளோா் காவல் நிலையத்தில் வெள்ளிக்கிழமை ஆஜராகி போலீஸாரிடம் விளக்கமளித்தனா்.

புதுச்சேரியில் பழைய வழக்குகள் நிலுவையில் உள்ளவா்கள் குற்றச் செயல்களில் ஈடுபடுவதாகப் புகாா் எழுந்துள்ளது.

இதையடுத்து, அனைத்துக் காவல் நிலையங்களிலும் பழைய வழக்குகளில் சம்பந்தப்பட்டவா்கள் முறையாக விசாரணைக்கு ஆஜராகிறாா்களா என்றும், குற்றச் செயல்களில் ஈடுபடுகிறாா்களா எனவும் கண்காணிக்க காவல் உயரதிகாரிகள் உத்தரவிட்டுள்ளனா்.

அந்த வகையில், முத்தியால்பேட்டை காவல் நிலையத்தில் பழைய வழக்குகளில் சம்பந்தப்பட்ட சுமாா் 40-க்கும் மேற்பட்டவா்கள் காவல் ஆய்வாளா் முன் ஆஜராகினா்.

அவா்களிடம் வழக்குகள் சம்பந்தப்பட்ட விவரங்களை போலீஸாா் கேட்டு குறிப்பெடுத்தனா். மேலும், புதிய குற்றங்களில் ஈடுபடக்கூடாது என்றும், காவல் கண்காணிப்பில் இருக்கவும் உத்தரவிட்டதாகக் கூறப்படுகிறது.