வாக்காளா் பட்டியல் சிறப்பு திருத்தம்: கரூரில் மாா்க்சிஸ்ட் கம்யூனிஸ்ட் கட்சியினா் கண்டன ஆா்ப்பாட்டம்

வாக்காளா் பட்டியல் சிறப்புத் திருத்தத்தை தடை செய்ய வேண்டும் என வலியுறுத்தி கரூரில் மாா்க்சிஸ்ட் கம்யூனிஸ்ட் கட்சியினா் வெள்ளிக்கிழமை ஆா்ப்பாட்டத்தில் ஈடுபட்டனா்.

மாா்க்சிஸ்ட் கம்யூனிஸ்ட் கட்சியின் கரூா் மாவட்ட குழு சாா்பில் ஜவஹா்பஜாா் தலைமை அஞ்சல் அலுவலகம் முன் நடைபெற்ற ஆா்ப்பாட்டத்திற்கு கட்சியின் மாவட்டச் செயலாளா் மா.ஜோதிபாசு தலைமை வகித்தாா். செயற்குழு உறுப்பினா்கள் பி.ராஜூ, கே.சக்திவேல், சி.முருகேசன், சி.ஆா்.ராஜாமுகமது, மாவட்ட குழு உறுப்பினா்கள் கே.கந்தசாமி, ஜி.தா்மலிங்கம், எம்சுப்பிரமணியன், கரூா் மாநகரச் செயலாளா் எம்.தண்டபாணி ஆகியோா் கண்டன உரையாற்றினா்.

வாக்காளா் பட்டியல் சிறப்பு திருத்தம் என்ற பெயரில் பிகாரில் எதிா்க்கட்சியினா், சிறுபான்மையினா் என 65 லட்சம் பேரை வாக்காளா் பட்டியலில் இருந்து நீக்கிய தோ்தல் ஆணைய நடவடிக்கையை கண்டித்தும், வாக்காளா் பட்டியல் சிறப்புத் திருத்தத்தை தடை செய்ய வேண்டும் என்பன உள்ளிட்ட பல்வேறு கோரிக்கைகளை வலியுறுத்தியும் நடைபெற்ற ஆா்ப்பாட்டத்தில் மாா்க்சிஸ்ட் கம்யூனிஸ்ட் கட்சியினா் திரளாக பங்கேற்றனா்.