“அமைதியாக இருங்கள்...” கௌதம் கம்பீருக்கு முன்னாள் தலைமைப் பயிற்சியாளர் அறிவுரை!
வரும் 2026 சட்டப் பேரவைத் தோ்தல் அதிமுகவுக்கு வாழ்வா சாவா போன்றது என்றாா் அக்கட்சியின் துணைப் பொதுச் செயலா் கே.பி.முனுசாமி.
அரியலூா் மாவட்ட அதிமுக அலுவலகத்தில், செவ்வாய்க்கிழமை நடைபெற்ற கள ஆய்வுக் கூட்டத்தில் கலந்து கொண்டு அவா் பேசியது: 2026 சட்டப் பேரவைத் தோ்தல் அதிமுகவுக்கு வாழ்வா சாவா போன்றது . அதிமுகவின் கெளரவம், எம்.ஜி.ஆா், ஜெயலலிதா புகழ் காக்க வேண்டும் என்றால் கட்டாயம் வெற்றிப் பெற்றாக வேண்டும்.
தமிழகத்தில் ஆரம்பகால அரசியல் களம் தற்போது இல்லை. இப்போது ஜாதி கட்சிகள் பல வந்துள்ளன. சுய முயற்சியில் சில கட்சிகள் வந்துள்ளன. இவ்வாறு வரும்போது வாக்காளா்களின் சிந்தனை மாறி வருகிறது.
இரண்டு கட்சிக்கு வாக்களித்த வாக்காளா்கள் இன்று நான்கு கட்சிக்கு வாக்களிக்க வேண்டி உள்ளது. அதிமுக வெற்றி வாய்ப்பை இழந்தால் உதிரி கட்சிகள் மேல வருவதற்கான வாய்ப்புண்டு. எனவே கட்சியை காப்பற்ற வேண்டிய கடமை ஒவ்வொருவருக்கும் உள்ளது என்றாா்.
கூட்டத்தில், அதிமுக மகளிா் அணி செயலரும், முன்னாள் அமைச்சருமான வளா்மதி, கட்சியின் மாவட்டச்செயலரும், முன்னாள் அரசு தலைமைக் கொறடாவுமான தாமரை எஸ்.ராஜேந்திரன், அமைப்புச் செயலா் ஆசைமணி, மாவட்ட அவைத் தலைவா் ராமஜெயலிங்கம், பெரம்பலூா் மாவட்டச் செயலா் இளம்பை தமிழச்செல்வன், கொள்கை பரப்பு துணைச் செயலா் இளவரசன், முன்னாள் மாவட்டச் செயலா் இளவழகன், திருச்சி மண்டல தகவல் தொழில்நுட்பப் பிரிவு துணைச் செயலா் கோபாலகிருஷ்ணன், மாவட்ட அம்மா பேரவை இணைச் செயலா் பிரேம்குமாா், அண்ணா தொழிற் சங்க மாவட்டச் செயலா் கல்லங்குறிச்சி பாஸ்கா்,அரியலூா் நகரச் செயலா் ஏ.பி.செந்தில் உள்ளிட்டோா் கலந்து கொண்டனா்.
