புதுவை மாநிலத்தில் 3 ஐ.ஏ.எஸ். அதிகாரிகளுக்கு கூடுதல் துறைகள் தற்காலிகமாக ஒதுக்கி அறிவிக்கப்பட்டுள்ளன.
இதுகுறித்து புதுவை மாநில அரசுச் சாா்புச் செயலா் வி.ஜெய்சங்கா் செவ்வாய்க்கிழமை வெளியிட்ட உத்தரவு: புதுவை மாநிலத்தில் தற்போது முதன்மைத் தோ்தல் அதிகாரி மற்றும் கல்வித் துறை செயலராக உள்ள பி.ஜவஹருக்கு நிதி மற்றும் தொழிலாளா் துறை ஒதுக்கப்பட்டுள்ளது.
மாநில போக்குவரத்துத் துறை செயலராக உள்ள ஏ.முத்தம்மாவுக்கு கூடுதலாக சுகாதாரம் மற்றும் குடும்ப நலம், கலால் மற்றும் துறைமுகத் துறைகள் அளிக்கப்பட்டுள்ளன. புதுச்சேரி மாவட்ட ஆட்சியராக உள்ள ஏ.குலோத்துங்கனுக்கு வருவாய் மற்றும் மறுசீரமைப்பு துறைகள் கூடுதலாக அளிக்கப்பட்டுள்ளன.
புதுவை மாநில நிதித் துறை செயலா் ஆஷிஸ் மாதவ ராவ் மோரே உடல்நலம் பாதிக்கப்பட்டு சிகிச்சைக்கு சென்ாகக் கூறப்படும் நிலையில், அவரது துறைகள் உள்ளிட்டவை கூடுதல் தற்காலிகப் பொறுப்புகளாக 3 அதிகாரிகளுக்கு வழங்கப்பட்டிருப்பது குறிப்பிடத்தக்கது.
