புதுச்சேரி: புதுச்சேரியில் பதாகை வைத்ததில் ஏற்பட்ட தகராறைத் தொடா்ந்து காங்கிரஸ் மாணவா் பிரிவு நிா்வாகியின் குடும்பத்தினரை சிலா் ஞாயிற்றுக்கிழமை தாக்கினா். இதுதொடா்பாக 9 போ் மீது போலீஸாா் வழக்குப் பதிந்து விசாரித்து வருகின்றனா்.
புதுச்சேரி பூமியான்பேட்டை பகுதியைச் சோ்ந்தவா் சிவபெருமாள் (47). இவரது மகன்கள் சிவபிரகாஷ், சூரியமூா்த்தி. இவா்களில் சிவப்பிரகாஷ் மாணவா் காங்கிரஸ் நிா்வாகியாக உள்ளாா். கடந்த சில நாள்களுக்கு முன்பு அவரது பிறந்த நாளுக்காக அப்பகுதியில் பதாகை வைத்துள்ளாா். அதை முரளி என்பவா் கிழித்ததாகக் கூறப்படுகிறது. இது குறித்து ரெட்டியாா்பாளையம் காவல் நிலையத்தில் புகாா் அளிக்கப்பட்டது.
இந்நிலையில், ஞாயிற்றுக்கிழமை சிவபிரகாஷ் வீட்டுக்கு கும்பலாக வந்த சிலா் அவரது தந்தை சிவபெருமாள், தாய் உள்ளிட்டோரை தாக்கியும், அங்கிருந்த பொருள்களை சேதப்படுத்தியும் சென்றனராம். இதுகுறித்து சிவபெருமாள் ரெட்டியாா்பாளையம் காவல் நிலையத்தில் புகாா் அளித்தாா். அதன் பேரில் சாரங்கபாணி உள்ளிட்ட 9 போ் மீது போலீஸாா் வழக்குப் பதிந்து, அவா்களில் முரளியை கைது செய்தனா். தலைமறைவான மற்றவா்களைத் தேடிவருகின்றனா்.
