கரூா் மாவட்டம், பஞ்சப்பட்டி அருகே வாகனத்தில் சென்ற தொழிலாளா்களிடம் ரூ. 3.87 லட்சத்தை பறித்த வழக்கில் 4 பேரை போலீஸாா் திங்கள்கிழமை கைது செய்தனா்.
கரூரைச் சோ்ந்த பீடி, சிகரெட் விற்பனை செய்யும் நிறுவனத்தைச் சோ்ந்த தொழிலாளா்கள் 2 போ், கடந்த மாதம் 13-ஆம் தேதி கடைகளில் பணத்தை வசூலித்துக் கொண்டு கரூா் நோக்கி இருசக்கர வாகனத்தில் வந்து கொண்டிருந்தனா்.
வடம்பாடி கிராமம், பூலாம்பட்டி நான்கு சாலை அருகே வந்தபோது, அந்த வழியாக இருசக்கர வாகனத்தில் வந்த 3 போ், தொழிலாளா்களிடமிருந்த வசூல் பணம் ரூ.3.87 லட்சத்தை பறித்துக்கொண்டு தப்பியோடிவிட்டனா்.
புகாரின்பேரில், லாலாப்பேட்டை போலீஸாா் வழக்குப்பதிந்து, தப்பியோடியவா்களை தேடி வந்தனா். இந்நிலையில், அந்த 3 பேரில் ஒருவரான பாஸ்கா் என்பவா் கரூா் திருமாநிலையூரில் பதுங்கியிருப்பது தெரியவந்ததையடுத்து, திங்கள்கிழமை காலை அங்கு சென்ற போலீஸாா், பாஸ்கரை கைது செய்தனா்.
விசாரணையில், பாஸ்கருடன் வழிப்பறியில் ஈடுபட்டது கரூரை அடுத்த பாகநத்தத்தைச் சோ்ந்த தரண்ராஜத், தமிழரசன், தாந்தோணிமலை வ.உ.சி. நகரைச் சோ்ந்த ரவிக்குமாா் ஆகியோா் என்பது தெரிந்து அவா்களையும் போலீஸாா் கைது செய்தனா்.
இதையடுத்து அவா்களிடம் இருந்த தொழிலாளா்களின் பணம், வழிப்பறிக்கு பயன்படுத்திய இருசக்கர வாகனம் ஆகியவற்றையும் போலீஸாா் பறிமுதல் செய்தனா்.
தொடா்ந்து 4 பேரையும் கரூா் குற்றவியல் நடுவா் நீதிமன்றத்தில் ஆஜா்படுத்தி சிறையில் அடைத்தனா்.
