Amaran: "அமரன் கண்டிப்பாகப் பார்க்க வேண்டிய படம்..." - வெங்கட் பிரபு சொல்வதென்ன?

சிவகார்த்திகேயன், சாய் பல்லவி நடிப்பில் ராஜ்குமார் பெரியசாமி இயக்கத்தில் வெளியாகி இருக்கும் திரைப்படம் 'அமரன்'. ராஜ் கமல் இன்டர்நேஷனல் நிறுவனம் தயாரித்த இப்படத்திற்கு ஜி.வி. பிரகாஷ் இசையமைத்திருக்கிறார். மறைந்த ராணுவ மேஜர் முகுந்த் வரதராஜனின் வாழ்க்கையை மையமாக வைத்து இப்படம் உருவாக்கப்பட்டிருக்கிறது. ரஜினிகாந்த், சூர்யா, ஜோதிகா, சிம்பு உள்ளிட்ட திரைப் பிரபலங்கள் பலரும் படத்தைப் பாராட்டினர். இந்நிலையில், இயக்குநர் வெங்கட் பிரபுவும் 'அமரன்' படத்தைப் பாராட்டிப் பதிவிட்டிருக்கிறார்.

அதில், "அமரன் மிகத் தரமான படம். நடிகர் சிவகார்த்திகேயனும், நடிகை சாய் பல்லவியும் நிஜ மனிதர்களின் வாழ்க்கைக்குத் தேவையான நடிப்பைக் கொடுத்திருக்கிறார்கள். இசையமைப்பாளர் ஜி.வி. பிரகாஷின் பாடல்களும், அவரின் பின்னணி இசையும் மெய்சிலிர்க்க வைக்கிறது. அமரன் திரையாக்கம் உண்மையில் அசாதாரணமானது. இந்தப் படத்தைத் தயாரித்த ராஜ் கமல் நிறுவனத்துக்கும், இயக்குநருக்கும், உணர்ச்சிகரமான இந்தப் படத்தைக் கொடுத்த அமரன் குழுவுக்கும் பாராட்டுகள். அமரன் கண்டிப்பாகப் பார்க்க வேண்டிய படம்." எனப் பதிவிட்டிருக்கிறார்.

சினிமா விகடனின் பிரத்யேக Whatsapp க்ரூப்

https://chat.whatsapp.com/KzgH8aPb2MI9PVttY53JpX

சினிமா தொடர்பான எக்ஸ்க்ளூசிவ் அப்டேட், அசத்தல் பேட்டிகள், டி.வி அப்டேட்கள் என எதையும் மிஸ் செய்யாமல் தெரிந்து கொள்ள...

உங்கள் வாட்ஸ் அப் மூலமே இணைந்திருங்கள் சினிமா விகடனுடன்...

https://chat.whatsapp.com/KzgH8aPb2MI9PVttY53JpX