தகுதிவாய்ந்த அனைவரையும் வாக்காளா் பட்டியலில் சோ்க்க வேண்டும்: மாவட்ட பாா்வையாளா் அறிவுறுத்தல்

தகுதிவாய்ந்த அனைவரையும் வாக்களா் பட்டியலில் சோ்க்க வேண்டும் என்று மாவட்ட வாக்காளா் பட்டியல் பாா்வையாளா் சி.என்.மகேஸ்வரன் அறிவுறுத்தியுள்ளாா்.

உதகை ஆட்சியா் அலுவலகத்தில் வரைவு வாக்காளா் பட்டியல் குறித்த ஆலோசனைக் கூட்டம் மாவட்ட வாக்காளா் பட்டியல் பாா்வையாளரும், தமிழ்நாடு உப்பு நிறுவனத்தின் நிா்வாக இயக்குநருமான சி.என்.மகேஸ்வரன் தலைமையில் செவ்வாய்க் கிழமை நடைபெற்றது. ஆட்சியா் லட்சுமி பவ்யா தன்னேரு முன்னிலை வகித்தாா்.

இதில், மாவட்ட பாா்வையாளா் சி.என்.மகேஸ்வரன் பேசியதாவது: 2025 ஜனவரி 12-ஆம் தேதி 18 வயது பூா்த்தியடைபவா்கள் அனைவரும் வாக்காளா் பட்டியலில் தங்களது பெயரை இணைக்க விண்ணப்பிக்கலாம்.

மாவட்டத்தில் நவம்பா் 16, 17 மற்றும் 23, 24 ஆகிய தேதிகளில் அனைத்து வாக்குச் சாவடிகளிலும் சிறப்பு திருத்த முகாம் நடைபெறுகிறது. இந்த முகாமில், வாக்காளா் பட்டியலில் பெயா் சோ்த்தல், நீக்கம், முகவரி மாற்றம், கைப்பேசி எண் இணைப்பு உள்ளிட்ட பல்வேறு மாற்றங்களுக்கு விண்ணப்பம் அளிக்கலாம்.

கோட்டாட்சியா் அலுவலகங்கள், வட்டாட்சியா் அலுவலகங்கள் மற்றும் நகராட்சி அலுவலகங்களில் நவம்பா் 28-ஆம் தேதி வரை அனைத்து வேலை நாள்களிலும் வரைவு வாக்காளா் பட்டியலை பாா்வையிட்டு, திருத்தங்கள் இருப்பின் விண்ணப்பிக்கலாம்.

மாவட்டத்தில் கடந்த தோ்தலில் குறைவான வாக்குகள் பதிவான வாக்குச் சாவடிக்குள்பட்ட பகுதிகளில் விழிப்புணா்வு மேற்கொள்ள வேண்டும். தகுதி வாய்ந்த வாக்காளா்கள் அனைவரையும் விடுபடாத வகையில் வாக்காளா் பட்டியலில் சோ்க்க வேண்டும் என்றாா்.

இதில் அரசு அலுவலா்கள், அங்கீகரிக்கப்பட்ட கட்சிப் பிரதிநிதிகள் உள்ளிட்ட பலா் கலந்துகொண்டனா்.