நீலகிரி மாவட்டம், நெலாக்கோட்டை பகுதியில் மைதானத்துக்குள் காட்டு யானை புதன்கிழமை நுழைந்ததால் அங்கு விளையாடிக் கொண்டிருந்த இளைஞா்கள் பதறியடித்து ஓட்டம் பிடித்தனா்.
கூடலூரை சுற்றியுள்ள ஓவேலி, பந்தலூா், அய்யங்கொல்லி, நெலாக்கோட்டை பகுதிகளில் காட்டு யானைகளின் நடமாட்டம் அதிகமாக காணப்பட்டு வருகிறது. இரவு நேரங்களில் மட்டுமின்றி பகல் நேரத்திலும் யானைகள் குடியிருப்புப் பகுதிகளில் சுற்றிவருவதால் மக்கள் அச்சமடைந்துள்ளனா்.
இந்நிலையில், வனப் பகுதியில் இருந்து புதன்கிழமை வெளியேறிய காட்டு யானை, நெலாக்கோட்டையில் உள்ள விளையாட்டு மைதானத்துக்குள் புழுதி பறக்க ஓடி வந்தது.
இதைக் கண்ட அங்கிருந்த இளைஞா்கள் அலறியடித்து ஓட்டம் பிடித்தனா். சிறிது நேரம் அங்கேயே சுற்றித்திரிந்த யானை, பின் வனப் பகுதிக்குள் சென்றது.
