Skoda Kylaq Launched @ Rs 7.89 Lakhs | 'Name Your Skoda' Campaign Winner Mohammed Ziyad

கார்/பைக் நிறுவனங்கள் வித்தியாசமாக ஏதாவது போட்டி வைக்கும். டிவிஎஸ் - டிசைன் சம்பந்தமாக வைப்பார்கள். மஹிந்திராவில் ஆஃப்ரோடு சம்பந்தமாக வைப்பார்கள். அப்படி ஸ்கோடா நிறுவனம் கொஞ்ச நாள் முன்பு, ‛தங்களுடைய அடுத்த காரின் பெயருக்கான லிஸ்ட்டைக் கொடுங்கள்’ என்று #NameYourSkoda எனும் பெயரில் தேசிய அளவில் மக்களுக்குப் போட்டி வைத்திருந்தது. 

K-ல் ஆரம்பித்து Q எழுத்தில் முடிய வேண்டும் என்பதுதான் விதி. இதைத் தொடர்ந்து ஸ்கோடாவுக்குப் பெயர்கள் குவிந்தன. இப்போது அடுத்த ஆண்டுத் துவக்கத்தில் வெளிவரப் போகும் காரான Kylaq எனும் பெயரைச் சரியாகச் சொல்லி, அந்தக் காரை பரிசாக வெல்லப் போகிறார், கேரளாவைச் சேர்ந்த முகமது ஜியாத் என்பவர்.