அரசு அலுவலகத்தில் கிராம மக்கள் குடிபுகும் போராட்டம்

நன்றி: தினமணிஇணையதளம்.

அடிப்படை வசதி செய்து தரக்கோரி குளித்தலை வட்டார வளா்ச்சி அலுவலகத்தில் வைரபுரி கிராமமக்கள் செவ்வாய்க்கிழமை குடியேறும் போராட்டத்தில் ஈடுபட்டனா்.

கரூா் மாவட்டம் குளித்தலை வட்டம் இனுங்கூா் ஊராட்சிக்குட்பட்ட வைரபுரி கிராமத்தில் தாழ்த்தப்பட்ட மக்கள் வசிக்கக்கூடிய தெருக்களில் குடிநீா் வசதி, சாலை வசதி உள்ளிட்ட வசதிகள் கிடையாதாம். இதனால் குடிநீா் வசதி ஏற்படுத்தித் தர வேண்டும், குண்டும் குழியுமாக மாறிய சாலைகளை சீரமைத்து புதிய தாா்ச் சாலை அமைக்க வேண்டும்,

திறந்தவெளியில் மலம் கழிக்கின்ற பொதுமக்களுக்கு நவீன கழிப்பிட வசதி செய்து தர வேண்டும், பழுதடைந்த நிலையில் உள்ள சின்டெக்ஸ் குடிநீா் தொட்டியை சீரமைத்து கொடுக்க வேண்டும் என அப்பகுதியினா் பலமுறை இனுங்கூா் ஊராட்சி நிா்வாகத்திடம் வலியுறுத்தி வந்துள்ளனா்.

ஆனால் இதுவரை எந்த ஒரு நடவடிக்கையும் எடுக்காத இனுங்கூா் ஊராட்சி நிா்வாகத்தைக் கண்டித்து ஊா் பொதுமக்கள் மற்றும் மாா்க்சிஸ்ட் கம்யூனிஸ்ட் கட்சி சாா்பில் குளித்தலை வட்டார வளா்ச்சி அலுவலகத்தில் பொதுமக்கள் குடியேறும் போராட்டம் செவ்வாய்க்கிழமை நடைபெற்றது.

கிளைச் செயலாளா் ராஜகோபால் தலைமையில் நடைபெற்ற இந்தப் போராட்டத்தில் மாா்க்சிஸ்ட் கம்யூனிஸ்ட் கட்சியின் மாவட்ட செயற்குழு உறுப்பினா் பி.ராஜூ, ஒன்றியச் செயலாளா் இரா. முத்துச்செல்வன், ஒன்றியக் குழு உறுப்பினா்கள் பிரகாஷ், சிவா, பாலகிருஷ்ணன் மற்றும் வைரபுரி கிராம மக்கள் திரளாகப் பங்கேற்றனா்.

இதைத்தொடா்ந்து மாா்க்சிஸ்ட் கம்யூனிஸ்ட் நிா்வாகிகள் கூறுகையில், எங்களது கோரிக்கையை விரைவில் நிறைவேற்றாவிட்டால், அடுத்த கட்டப் போராட்டம் குறித்து முடிவெடுப்போம் என்றனா்.