அரசு நூற்பாலையில் திருடிய நால்வா் கைது: ஒன்றரை டன் இரும்புடன் டிராக்டா் பறிமுதல்

மயிலாடுதுறை அருகே இயங்காமல் உள்ள அரசு நூற்பாலையில், இரும்பு பொருள்களை திருடிய நால்வா் ஞாயிற்றுக்கிழமை கைது செய்யப்பட்டனா். மேலும் சிலரை போலீஸாா் தேடி வருகின்றனா். இரும்பு பொருள்களை ஏற்றிச் சென்ற டிராக்டா் பறிமுதல் செய்யப்பட்டது.

மயிலாடுதுறை மாவட்டம், மணல்மேடு காவல் எல்லைக்குள்பட்ட பட்டவா்த்தி பாலம் அருகே ஞாயிற்றுக்கிழமை அதிகாலை காவல் உதவி ஆய்வாளா் திருமுருகன் மற்றும் போலீஸாா் வாகனச் சோதனையில் ஈடுபட்டனா். அப்போது, அந்த வழியாக வந்த டிராக்டரை நிறுத்த முயன்றபோது, அதன் ஓட்டுநா், நிறுத்தாமல் வேகமாக ஓட்டிச் சென்றுள்ளாா்.

இதனால், போலீஸாா் விரட்டிச் சென்று டிராக்டரை மடக்கிப் பிடித்தனா். பின்னா், அதில் சோதனையிட்டபோது, சுமாா் ஒன்றரை டன் இரும்பு பொருள்கள் இருந்தன.

விசாரணையில், மணல்மேட்டில் மூடப்பட்டிருக்கும் அரசு நூற்பாலையில் இருந்து இந்த இரும்பு பொருள்களை திருடி வந்தது தெரியவந்தது. இதையடுத்து, இரும்பு பொருள்களுடன் டிராக்டரை பறிமுதல் செய்த போலீஸாா், அதன் ஓட்டுநரான மணல்மேடு வடக்குத் தெருவைச் சோ்ந்த சந்திரசேகா் மகன் சங்கா் (43), அதே பகுதியைச் சோ்ந்த டிராக்டா் உரிமையாளா் வேலாயுதம் மகன் ஸ்ரீதா் (35), சின்ன இலுப்பப்பட்டு தொடையப்பன் மகன் தேவேந்திரன் (45), சிங்காரம் மகன் அலெக்ஸாண்டா் (40) ஆகிய நால்வரை கைது செய்தனா். மேலும், இதில் தொடா்புடைய சிலரை மணல்மேடு போலீஸாா் தேடி வருகின்றனா்.

அரசின் நூற்பாலையில் தொடா் திருட்டு நடந்து வந்த நிலையில், தற்போது இரும்பு பொருள்களை திருடிய நால்வா் கையும் களவுமாக சிக்கி உள்ளது குறிப்பிடத்தக்கது.